Беларускія калядкі: тэксты

27.12.2009 16:09 — Новости Общества |  
Размер текста:
A
A
A

«Учора зьвячора», «Неба і земля», «Ціхая ноч»... Засьпявайма!

Беларускія калядкі: тэксты

УЧОРА ЗЬВЯЧОРА

Учора зьвячора*
Засьвяціла зора.

Зора засьвяціла,
Сьвет узьвесяліла.

Сьвет узьвесяліўся:
Хрыстос нарадзіўся.

Хрыстова раджэньне
Людзям на збаўленьне.

Людзі, выбягайце,
Хрыста прывітайце.

Хрыста прывітайце,
Нам каляду дайце.

* Кожны радок сьпяваецца двойчы.

НЕБА I ЗЕМЛЯ

Неба i земля,
Неба i земля,
Радасна сьпяваюць.

Анёлы сьвету,
Анёлы сьвету
Дзiва абвяшчаюць.

Прыпеў:
Хрыстос нарадзiўся,
Бог аб"явiўся,
Анёлы сьпяваюць,
Пастушкi iграюць,
Дзiва-дзiва абвяшчаюць.

У Бэтлееме,
У Бэтлееме
Вясёла навiна

Чыстая Дзева,
Чыстая Дзева
Нарадзiла Сына.

Прыпеў.

А мы Дзiцятку,
А мы Дзiцятку
Богу паклон дайма.

Славу на вышынях,
Славу на вышынях
Яму засьпявайма.

Прыпеў.

НОВА РАДАСЬЦЬ СТАЛА

Нова радасьць стала,
Яка не бывала.
Над Бэтлемам зьвезда ясна,
Сьветла засіяла.

Там Хрыстос радзіўся,
Зь Дзевы ўцелавіўся,
На нябесі і на землі
Нам дабраславіўся.

Ангелы сьпяваюць,
Ісуса вітаюць,
На нябесі і на землі
Мір правазглашаюць!

ЦІХАЯ НОЧ

Ціхая ноч, сьвятая ноч!
Усё сьпіць, сьніць даўно.
Толькі Маці Сьвятая усьцяж
Ціха ў ясьлях люляе Дзіця -
Сьпі, Сыночак малы,
Люлі-люлі, сьпі!

А угары усё гарыць
Серабром зорных крыг,
Хор анёлаў пяе пастухом
Аб Дзіцяці, што будзе Хрыстом,
Сьветлай песьняй хвалы
Славяць Збаўцу зямлі.

Ціхая ноч, сьвятая ноч,
Ў родны край завітай,
Людзям сум і тугу разгані,
Хай жа цешацца ў гэтыя дні,
Ў ціхую, сьвятую ноч,
Ў ціхую, сьвятую ноч!

ДОБРЫ ВЕЧАР ТОМУ

Добры вечар тому*,
Хто ў гэтаму дому!
Мы самi з сабою,
Зь дзецьмi i жаною,
Сталы засьцiлаем,
Каляды спраўляем.

А па гэтай мовы
Будзьма ўсе здаровы,
А па гэтай казцы
Жывiце ў ласцы.

* Кожны радок сьпяваецца двойчы.

ЗОРА ЗАСЬВЯЦІЛА

Учора зьвячора зора засьвяцiла,
Новы год, новы, зора засьвяцiла.
А Божая Мацi Сына нарадзiла,
Новы год, новы, Сына нарадзiла.

Сына нарадзiла, у пялёны спавiла,
Новы год, новы, у пялёны спавiла.
У пялёны спавiла, анёлам сказала,
Новы год, новы, анёлам сказала:

"Анёлы сьвятыя, калышыце Сына,
Новы год, новы, калышыце Сына.
Калышыце Сына, пойце Яму песьнi,
Новы год, новы, пойце Яму песьнi.

Пойце Яму песьнi, да ўсё i сьвятыя,
Новы год, новы, да ўсё i сьвятыя".
Усе людзi рады, усе весяляцца,
Новы год, новы, усе весяляцца.
На Божага Сына ўсё не наглядзяцца,
Новы год, новы, ўсё не наглядзяцца.

НА НОВА ЛЕТА РАДЗI, БОЖА, ЖЫТА

На нова лета радзi, Божа, жыта,
Шчодры вячор, багаты вячор*,

Жыта пшанiца, усякая пашнiца,
Дай табе Божа, пане-гаспадару,

Пiва варыці, сынкоў жанiці,
Гарэлiцу гнацi, дачок выдавацi,

Залезь на баляску i дастань каўбаску!
Стань на драбiнку i дастань саланiнку!

Кошычак маку да таго прысмаку.
Збаночак мёду нам на асалоду.

*Паўтараецца пасьля кожнага радка.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
«Учора звячора», «Неба і земля», «Ціхая ноч»... Заспявайма!
 
 
 


Архив (Новости Общества)

21.by в социальных сетях

Свежие газеты

21.02.2019
Mir24.TV Belarus
Навiны Палесся
Полесская правда
Пинский Вестник
Гарадоцкi веснiк
Днепровская правда (Дуюровно)
Голас Сененшчыны
Герой працы
Газета Авангард
Новости Волковыска
Вороновская газета
Ивьевский край
Полымя
Lida.Info
Заря над Неманам
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Асiповiцкi край
Новости Хотимска
Святло кастрычнiка (Мстиславль)
22.02.2019
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Чырвоны прамень
Клiч Радзiмы
Герой працы
Газета Авангард
Новости Волковыска
Вороновская газета
Ивьевский край
Полымя
Lida.Info
Заря над Неманам
Светлы шлях
Единство
Новости Дзержинска
Нясвижскiя навiны
Смалявiцкi край
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Асiповiцкi край
Новости Хотимска


Партнёры

© 2004-2018 21.by
Яндекс.Метрика