Наталья и Вячеслав Довиденко: «Для счастья достаточно быть вместе». 21.by

Наталья и Вячеслав Довиденко: «Для счастья достаточно быть вместе»

Размер текста:
A
A
A

Класік сцвярджаў, што ўсе шчаслівыя сем’і падобныя адна да адной і кожная няшчасная сям’я няшчасна па-свойму. Але мне здаецца, што гэтае выказванне Льва Талстога наколькі зразумелае, настолькі ж і супярэчлівае. Ужо колькі сустракалася з сямейнымі парамі, столькі пераконвалася: у кожнай сям’і свае каштоўнасці, сваё разуменне шчасця. Героям чарговага артыкула для шчасця дастаткова проста быць разам.

Гісторыя сям’і Давідзенка з Ружан пачалася зусім не з рамантычнай гісторыі кахання. Як расказваюць самі Наталля і Вячаслаў, усё пачыналася дастаткова банальна: жылі ў суседніх вёсках (яна — з Паўлава, ён — з Бярэзніцы), з дзяцінства ведалі адзін аднаго, вучыліся ў адной школе, хадзілі ў адзін клуб на танцы і неяк выпадкова зразумелі, што з’яўляюцца дзвюма палавінкамі аднаго цэлага.
— Прыйшоў з арміі, працаваў вадзіцелем у мясцовай гаспадарцы, — успамінае глава сям’і. — Па рабоце даводзілася мець зносіны з Наташынай мамай, заязджаць да іх дамоў. Напэўна, тады і звярнуў увагу на сімпатычную маладзенькую дзяўчыну. Паўтара года сябравалі, перш чым прапанаваў ёй выйсці за мяне замуж.
З таго часу, як Наталля і Вячаслаў сталі сям’ёй, прайшло ўжо 23 гады. Сёння Давідзенкі выхоўваюць трох дзетак, якіх лічаць сваім галоўным багаццем. Пра кожнага з іх расказваюць з пяшчотай і непадробнай бацькоўскай любоўю.
Нашаму першынцу Ільі 21 год — ужо дарослы хлопец. Літаральна тыдзень таму яшчэ гасціў у нас, але ўжо вярнуўся на вучобу.
Сыну, які праяўляў асаблівую цікаўнасць да тэхнікі і ў той жа час марыў стаць ваенным, бацькі далі магчымасць зрабіць выбар самастойна. Так Ілья апынуўся ў Санкт-Пецярбургскай ваенна-касмічнай акадэміі, дзе чацвёрты год навучаецца даволі рэдкай і цікавай прафесіі: малады чалавек будзе інжынерам сувязяў па кіраванні касмічнымі комплексамі. Як і ў школьныя гады, курсант паспявае не толькі добра вучыцца, але і весці цікавае грамадскае жыццё: піша тэксты і музыку для песень, з уласнымі музычнымі кампазіцыямі выступае на разнастайных конкурсах (нядаўна адстойваў гонар акадэміі на конкурсе ў Маскве)…
Гаваркі пяцікласнік Ваня расказвае пра сябе сам:
— У мяне захапленняў шмат: вучуся ў Дзіцячай школе мастацтваў, хаджу ў нядзельную школу, займаюся ў Цэнтры культуры і вольнага часу, удзельнічаю ў розных мерапрыемствах (напрыклад, быў задзейнічаны падчас урачыстай рэгістрацыі шлюбу, якая праходзіла на пасялковай плошчы ў дзень правядзення «Ружанскай брамы»). Але перавагу ўсё-такі аддаю футболу.
Маленькі футбаліст у складзе школьнай каманды ўжо выступаў на спаборніцтвах у Слоніме, Камянцы, Івацэвічах. Ведаючы пра любоў малодшага брата да спорту, Ілья падарыў яму на Новы год футбольную форму з нумарам 7, пад якім гуляе адзін з самых любімых яго футбалістаў Крышціяну Раналду.

Пакуль размаўлялі з Ванем, са школы прыбегла трэцякласніца Вераніка. На першы погляд, сціплая дзяўчынка, як і яе старэйшыя браты, мае дастаткова шырокае кола інтарэсаў: таксама цікавіцца музыкай, вучыцца вакалу, ходзіць на танцы.
Усебаковая развітасць дзяцей, бясспрэчна, заслуга іх бацькоў. У паўсядзённай руціне хатніх клопатаў Наталля і Вячаслаў заўсёды знаходзяць час і для экскурсій. Іх геаграфія не абмяжоўваецца не тое што межамі Брэстчыны, але і Беларусі ўвогуле. Рэканструкцыя пачатку Вялікай Айчыннай вайны ў Брэсцкай крэпасці, гісторыка-культурны комплекс «Лінія Сталіна», комплекс на Курскай дузе, аквапарк у Харкаве, святкаванне Дня перамогі ў Піцеры — вось невялікі спіс месцаў, куды Давідзенкі іншы раз спантанна накіроўваліся ўсёй сям’ёй. І гэта не лічачы актыўнага адпачынку на прыродзе, якому не могуць перашкодзіць нават навальніцы і снегапады. Яшчэ і аднакласнікаў, і сяброў сваіх дзяцей з сабой запрашаюць на актыўны адпачынак.
— Выязджаць на ўлонне прыроды на Дзень Перамогі — гэта ўжо традыцыя. Летам ездзім з начоўкай на Паперню, на Зельву… Некалькі гадоў таму ў адзін момант надумалі ехаць на Чорнае мора ў Адэсу, — расказвае Наталля.
Адным словам, актыўнасці гэтай сям’і не пазычаць. Летась, заручыўшыся падтрымкай мясцовай улады і культработнікаў, Давідзенкі арганізавалі для землякоў Купалле — свята, якое ўжо шмат гадоў не праводзілася ў Паўлаве. Праз пару месяцаў сталі пераможцамі раённага конкурсу «Здаровая сям’я».
Сямейныя, маральна-духоўныя каштоўнасці, працавітасць муж і жонка Давідзенкі выхоўваюць у дзяцей яшчэ і ўласным прыкладам. Як і належыць увішным гаспадарам, іх сядзіба ў цэнтры Ружан заўсёды дагледжаная, прыгожая: альтанка, мангал, арыгінальная лаўка (яна, дарэчы, зроблена яшчэ ў 19 стагоддзі Наташынымі продкамі), кветнікі — усё сваімі рукамі.
— Усё рабіць — і працаваць, і адпачываць — трэба разам, — лічыць жанчына. — Дом, у якім сёння жывём, даводзілі да ладу разам, двор добраўпарадкоўвалі таксама, ды і хатнія клопаты сёння вырашаем агулам.
У чым сакрэт шчасця гэтай сямейнай пары? Як запэўніваюць самі нашы суразмоўцы, у элементарных рэчах — у разуменні і ўзаемапавазе.
— У жыцці ўсякае здараецца. Але, калі хочаш жыць шчасліва, абавязкова знойдзеш сваю ўласную формулу.
Марына ВАКУЛЬСКАЯ, Сяргей ТАЛАШКЕВІЧ (фота).

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Класік сцвярджаў, што ўсе шчаслівыя сем’і падобныя адна да адной і кожная няшчасная сям’я няшчасна па-свойму. Але мне здаецца, што гэтае выказванне Льва Талстога...
 
 
 


Архив (Новости Общества)

21.by в социальных сетях

Свежие газеты

19.10.2018
Mir24.TV Belarus
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Новости Докшицы
Днепровская правда (Дуюровно)
Міёрскія навіны
Голас Сененшчыны
Герой працы
Газета Авангард
Лоевский край
Чырвоны Кастрычнiк
Петрыкаускiя навiны
Хойницкiя навiны
Новости Волковыска
Вороновская газета
Ивьевский край
Полымя
Lida.Info
Заря над Неманам
Свислочская газета
Светлы шлях
Единство
Нясвижскiя навiны
Слуцк Город
Смалявiцкi край
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Кричевская жизнь
Асiповiцкi край
Новости Хотимска
Новы дзень (Жлобин)
Святло кастрычнiка (Мстиславль)
20.10.2018
Mir24.TV Belarus
Полесская правда
Пинский Вестник
Гарадоцкi веснiк
Днепровская правда (Дуюровно)
Газета Авангард
Лоевский край
Петрыкаускiя навiны
Вороновская газета
Полымя
Заря над Неманам
Свислочская газета
Светлы шлях
Единство
Нясвижскiя навiны
Слуцк Город
Маяк Преднепровья
Радзiма
Голас Касцюкоушчыны
Святло кастрычнiка (Мстиславль)


Партнёры

© 2004-2018 21.by
Яндекс.Метрика