Ствалавыя клеткi бываюць розныя

Источник материала:

Iнфарм-укол

Гэта выгадна адрознiвае такiя ствалавыя клеткi ад эмбрыянальных, атрыманых на стадыi бластацысты — 4—7-м днi развiцця зародка. Бластацыстныя ствалавыя клеткi з’яўляюцца асноўным прадметам даследавання замежных вучоных, укладання мiльярдаў долараў. Аднак дагэтуль, нягледзячы на намаганнi транснацыянальных даследчых калектываў i буйнейшых фарматэўтычных кампанiй, так i не ўдалося ўстанавiць механiзм накiраванай дыферэнцыяцыi бластацыстных ствалавых клетак. Значныя складанасцi ўзнiкаюць яшчэ з-за таго, што не ўсе 100 працэнтаў такiх клетак праходзяць дыферэнцыяцыю падчас стымулявання. А нiзкадыферэнцыраваныя клеткi могуць стаць крынiцай злаякаснай пухлiны — тэратомы. Менавiта таму выкарыстанне бластацыстных ствалавых клетак застаецца пытаннем досыць аддаленай будучынi. Апошнiя ж даследаваннi паказваюць, што ствалавыя клеткi, якiя не прайшлi пэўны перыяд «навучання» ў жывым арганiзме, увогуле не маюць перспектывы прымянення.

Дзве iншыя традыцыйныя крынiцы — пупочная кроў i касцявы мозг — могуць выкарыстоўвацца для атрымання ствалавых клетак пераважна ў анкагематалогii, паколькi як у пупочнай крывi, так i ў касцявым мозгу абсалютную масу складаюць ствалавыя клеткi высокай ступенi дыферэнцыяцыi — папярэднiцы клетак крывi.

Генадзь Сухiх кажа, што работы расiйскiх вучоных паказалi эфектыўнасць прымянення саматычных ствалавых клетак у клiнiчнай практыцы — для забеспячэння працэсаў рэгенерацыi (аднаўлення), пашкоджаных тканак. I хоць вакол ствалавых клетак, атрыманых з абартыўнага матэрыялу, вядзецца мноства маральна-этычных i рэлiгiйных спрэчак, прафесар лiчыць, што большасць праблем такога кшталту надуманыя.

Вялiкiя немаўляты — вялiкiя дарослыя

British Medical Journal апублiкаваў агляд 24 даследаванняў, якiя даказваюць, што вялiкая вага пры нараджэннi i хуткiя тэмпы прыбаўкi ў вазе маюць неспрыльныя наступствы для далейшага лёсу дзяцей. Яны, у прыватнасцi, маюць большую рызыку пакутаваць ад атлусцення.

Даследаваннi былi праведзены ў ЗША, шэрагу еўрапейскiх краiн, Азii i Лацiнскай Амерыцы. Вучоныя высветлiлi, што поруч з рызыкай атлусцення ў будучым крочаць высокi iндэкс масы цела пры нараджэннi i высокiя тэмпы прыбаўкi ў вазе ў першыя два гады жыцця. Спецыялiсты сцвярджаюць, што харчаванне цяжарных жанчын не павiнна быць празмерным. Акрамя таго, грудное ўскормлiванне немаўлят забяспечвае iх усiмi неабходнымi пажыўнымi рэчывамi, што папярэджвае паступленне лiшнiх калорый.