Паведамленні прэс-службы Прэзiдэнта

Источник материала:

Устанаўленне Дня кааперацыi ў Беларусi з’яўляецца сведчаннем прызнання заслуг работнiкаў гэтай галiны i накiравана на павышэнне iнфармаванасцi насельнiцтва аб дзейнасцi спажывецкай кааперацыi ў рэспублiцы.

Кааператыўны рух iснуе ў Беларусi больш як 100 гадоў i з’яўляецца важным элементам эканомiкi краiны, забеспячэння матэрыяльных i iншых патрэбнасцяў насельнiцтва.

У склад спажывецкай кааперацыi рэспублiкi ўваходзяць 119 спажывецкiх таварыстваў, 6 абласных саюзаў i рэспублiканскi саюз спажывецкiх таварыстваў.

Беларускi рэспублiканскi саюз спажывецкiх таварыстваў з 1992 года з’яўляецца членам Мiжнароднага кааператыўнага альянсу, якi аб’ядноўвае больш як 230 членскiх арганiзацый з больш чым 100 дзяржаў.

Прэс-служба Прэзiдэнта Рэспублiкi Беларусь.

* * *
Беларусь зацiкаўлена ў далейшым развiццi ўсебаковых сувязяў з Анголай, перш за ўсё ў пашырэннi палiтычных кантактаў i актывiзацыi гандлёва-эканамiчнага супрацоўнiцтва. Гэты факт асаблiва падкрэслiваецца ў пасланнi Кiраўнiка беларускай дзяржавы Аляксандра Лукашэнкi Прэзiдэнту Рэспублiкi Ангола Жазэ Эдуарду душ Сантушу з нагоды нацыянальнага свята — Дня Незалежнасцi.

Аляксандр Лукашэнка пажадаў Прэзiдэнту Рэспублiкi Ангола здароўя, шчасця, поспехаў у дзейнасцi, а ангольскаму народу — дабрабыту i мiру.

Прэс-служба Прэзiдэнта Рэспублiкi Беларусь.

* * *
Прэзiдэнт Рэспублiкi Беларусь Аляксандр Лукашэнка накiраваў Прэзiдэнту Кыргызскай Рэспублiкi Аскару Акаеву пасланне з нагоды дня нараджэння.

Кiраўнiк дзяржавы з задавальненнем адзначыў, што традыцыйна дружалюбныя адносiны i плённае супрацоўнiцтва памiж Рэспублiкай Беларусь i Кыргызстанам працягваюць развiвацца i ўмацоўвацца на карысць двух народаў. «У гэтым — вялiкая доля Вашага ўдзелу i карпатлiвай працы», — падкрэслiў Аляксандр Лукашэнка.

Беларускi лiдэр пажадаў Аскару Акаеву здароўя, удачы, а народу Кыргызстана — мiру i працвiтання.

Прэс-служба Прэзiдэнта Рэспублiкi Беларусь.

Да ведама членаў Савета Рэспублiкi Нацыянальнага сходу Рэспублiкi Беларусь

14 лiстапада 2002 года ў 16.00 у зале пасяджэнняў Савета Рэспублiкi (вул. Чырвонаармейская, 4) прадоўжыць работу шостая сесiя Савета Рэспублiкi Нацыянальнага сходу Рэспублiкi Беларусь.