Прапiсаны ў адным раёне, стаю ў чарзе — у другiм, будую дом — у трэцiм. Дзе можна атрымаць банкаўск

Источник материала:

Фёдар Нiкановiч, в. Беразнякi Жыткавiцкага раёна.

Шчыра скажам: сiтуацыя ў чытача надзвычай заблытаная. Жыве заяўнiк i працуе ў адным раёне, стаiць у чарзе на паляпшэнне жыллёвых умоў у другiм, а дом будуе ў трэцiм (ды што раёны — нават у кожным выпадку вобласцi розныя — адпаведна Брэсцкая, Гомельская i Мiнская). Але знайсцi адказ было не так ужо i складана.

Пачнём з таго, што стаяць у чарзе на паляпшэнне жыллёвых умоў грамадзянiн, згодна з дзеючым заканадаўствам, можа або па месцы прапiскi i жыхарства, або па месцы працы. У дадзеным выпадку гэтыя ўмовы супадаюць — гэта можа быць толькi Лунiнецкi раён. Таму сам Фёдар Фёдаравiч стаяць у чарзе на паляпшэнне жыллёвых умоў у Жыткавiцкiм раёне не можа, вiдавочна, яна аформлена на iншага члена сям’i. Iдзём далей. Набыць участак i пачаць будаўнiцтва жылля можна ў любым месцы краiны.

— Паколькi зямля ў нас дзяржаўная, больш правiльна гаварыць пра пераафармленне набытага ўчастка з нейкай пабудовай на сваё iмя, — удакладняе нам намеснiк старшынi Салiгорскага райвыканкама Леанiд Гардзей. — Зроблена гэта павiнна быць на законных падставах.

Калi гэтая ўмова выконваецца, можна смела звяртацца за крэдытам на завяршэнне будаўнiцтва. Як правiла, iх выдаюць па месцы знаходжання нерухомасцi, г. зн. тэарэтычна шанц атрымаць патрэбнае ў Салiгорскiм раёне iснуе.

— Праўда, ваш заяўнiк павiнен будзе прадставiць нам пакет дакументаў, — папярэджвае дырэктар фiлiяла № 633 ААБ «Беларусбанк» у Салiгорску Сяргей Дубаносаў. — Так, трэба прадставiць акт на зямельны ўчастак, аформлены на яго iмя (з правам арэнды, скажам), праектна-каштарысную дакументацыю, паколькi гаворка iдзе пра завяршэнне будаўнiцтва. Паколькi банк павiнен мець гарантыi вяртання крэдыту, паручыцелi заяўнiка (гэта абавязковая ўмова) павiнны мець прапiску i пражываць або ў самiм Салiгорску, або ў раёне. У выпадку чаго менавiта яны будуць несцi адказнасць перад банкам за вяртанне сродкаў. Мы можам прапанаваць вашаму чытачу, калi ў яго ёсць такая магчымасць, аформiць паступленне i выплату яго заработнай платы не па месцы працы, а праз наш фiлiял (гэта не абавязковая ўмова, але яна можа павялiчыць шанц на атрыманне крэдыту: банк атрымлiвае дадатковыя гарантыi, да таго ж адначасова ў далейшым з яе можна будзе весцi адлiчэннi ў лiк пагашэння крэдыту). Сума крэдыту будзе залежаць ад велiчынi даходаў патэнцыяльнага атрымальнiка i яго паручыцеляў.

Цяпер адносна магчымасцi атрымання крэдыту на спажывецкiя мэты. Атрымаць яго прасцей (хаця патрабаваннi да сярэдняга заробку, наяўнасцi паручыцеляў захоўваюцца i ў гэтым выпадку). Адзiнае, у Салiгорскiм раёне Фёдар Фёдаравiч яго атрымаць не зможа — толькi па месцы сваёй цяперашняй прапiскi i пражывання. Хаця, калi прапiшацца тут, можа смела звяртацца ў мясцовы фiлiял ААБ «Беларусбанк».