Сустракаем святы ў бяспецы

Источник материала:

Напярэдадні

Так, дзяржаўныя i прыватныя гандлёвыя прадпрыемствы, iндывiдуальныя прадпрымальнiкi павiнны мець дазвол Дэпар-тамента па нагляду за бяспечным вядзеннем работ у прамысловасцi i атамнай энергетыцы на продаж пiратэхнiчных вырабаў. Да нелегальных гандляроў праваахоўныя органы, супрацоўнiкi МНС прымяняюць даволi строгiя меры пакарання. Напрыклад, летась было канфiскавана больш за паўмiльёна штук несертыфiкаванай пiратэхнiчнай прадукцыi.

Прэс-служба Мiнскага абласнога ўпраўлення МНС нагадвае, што акрамя наяўнасцi сертыфiката, да гандлю такiмi вырабамi прад’яўляецца i шэраг iншых патрабаванняў. Так, любы тавар павiнен суправаджацца iнструкцыяй аб правiлах выкарыстання на рускай цi беларускай мове. Акрамя памянёнага вышэй дазволу, прадавец павiнен мець дакументы, якiя сведчаць гiгiенiчную бяспечнасць тавару. Забаронены продаж петард дзецям да 15 гадоў.

Яшчэ адзiн атрыбут навагоднiх святаў — ёлка. Каб лясная прыгажуня прынесла радасць, а не бяду, пры яе ўстаноўцы i ўпрыгожваннi таксама варта памятаць пра элементарныя меры перасцярогi. Так, ёлка павiнна быць надзейна зафiксаваная. Для iлюмiнацыi можна выкарыстоўваць толькi заводскiя гiрлянды. Нельга ўпрыгожваць елку бенгальскiмi агнямi i свечкамi, гэтак жа як i ватай, паперай i лёгкаўзгаральнымi цацкамi. Зразумела, нельга пакiдаць без нагляду побач з ёлкай маленькiх дзяцей.

Навагоднiя святы будуць адзначацца не толькi ў хатнiх умовах, але i на прадпрыемствах, у арганiзацыях. Iх кiраўнiкi павiнны на час правядзення масавых мерапрыемстваў арганiзаваць дзяжурства адказных работнiкаў. Ёлкi ў памяшканнях павiнны размяшчацца так, каб не перашкаджаць выхаду з iх. Нельга выкарыстоўваць адкрыты агонь, хлапушкi, спецэфекты з рэчывамi, якiя могуць прывесцi да ўзгаранняў.