Беларускiя ўсюдыходы да Арктыкi давядуць

Источник материала:

Экстрым

— Як жа вы тады грэецеся?

— Цёпла апранаемся i настройваемся псiхалагiчна. Нашу каманду некаторыя лiчаць звар’яцелымi людзьмi.

На гэты раз Уладзiмiр Драбо вырашыў пакарыць Паўночны полюс (ён з’яўляецца кiраўнiком экспедыцыi «Палярнае кальцо») ды яшчэ сына Аляксандра ўзяў у сваю кампанiю (той сумяшчае абавязкi кухара i фотааператара). Акрамя iх, у беларуска-расiйскую вандроўку адпраўляюцца яшчэ чатыры чалавекi, якiя, паводле слоў камандзiра, падрыхтаваныя да сустрэчы з Арктыкай.

Асноўная мэта экспедыцыi — упершыню ў гiсторыi арктычных вандровак здзейснiць кругасветны пераход уздоўж Паўночнага палярнага круга, па берагавой кромцы Паўночнага Ледавiтага акiяна з выкарыстаннем пазадарожных усюдыходаў уласнай распрацоўкi. Цiкава, што беларусы вырашылi спалучыць асноўныя маршруты першапраходцаў высокiх шырот, сярод якiх ёсць i нашы землякi, — Харытон i Дзмiтрый Лапцевы (у iх гонар названа мора), Андрэй Вiлькiцкi (яго iмя носiць адкрыты iм востраў у Карскiм моры), Эдуард Пякарскi (аўтар руска-якуцкага слоўнiка).

Цяперашнi этап экспедыцыi — трэцi па лiку: першыя два ажыццяўлялiся адпаведна ў 2001 i 2004 гадах. Тады беларусы пераадолелi звыш дзесяцi тысяч кiламетраў ад Лабытнангi да Уэльса. «Спачатку планавалася стартаваць 28 студзеня з Петрапаўлаўска-Камчацкага, аднак зараз там шмат снегу i нялётнае надвор’е, а ўсюдыходы ж трэба даставiць самалётамi, таму хутчэй за ўсё зменiм месца старту», — расказаў Уладзiмiр Нiкандравiч. Далейшы прадугледжаны маршрут— Палана (сталiца Каракii) — Анадыр (Сталiца Чукоткi) — пасёлак Энурмiна — Берангаў пралiў — Аляска. Вяртацца палярнiкi будуць праз самыя паўночныя гарады свету — Певек, Зыранку i Якуцк.

Дагэтуль нiхто не перасякаў iльды на наземных аўтамабiльных сродках (у канцы 90-х гадоў у рамках прабегу Лондан—Нью-Йорк англiчане спрабавалi гэта зрабiць на гусенiчных сродках, але праз васемнаццаць кiламетраў шляху яны патанулi).

Падарожжа таксама будзе спрыяць выпрабаванню розных мадэляў усюдыходаў, каб вызначыць iх далейшыя сферы выкарыстання (напрыклад, у якасцi экалагiчна-бяспечнага транспарту). Акрамя таго па вынiках экспедыцыi плануецца стварыць вiдэасерыял i альбом-кнiгу, якiя раскажуць аб вялiзным шляху трэцяга тысячагоддзя, дзе бралi ўдзел беларускiя палярнiкi.