Хроніка апошніх падзей

Источник материала:

Эстонiя ў апошнiя гады рабiла паспяховыя крокi па барацьбе з дыскрымiнацыяй, але на праблемы нацыянальных меншасцяў дзяржава па-ранейшаму звяртае мала ўвагi. Да такой высновы прыйшла камiсiя Савета Еўропы па барацьбе з расiзмам i нецярпiмасцю, вывучыўшы сiтуацыю ў прыбалтыйскай рэспублiцы.

Паводле iнфармацыi камiсii, нягледзячы на змяненнi закона аб грамадзянстве, у Эстонii па-ранейшаму пражывае каля 139 тысяч чалавек, якiя не з’яўляюцца яе грамадзянамi часткова з-за цяжкасцяў з вывучэннем эстонскай мовы. Гэта, лiчаць у Савеце Еўропы, варта ганьбавання. Акрамя таго, падкрэслiваецца ў справаздачы камiсii, у эстонскай рускамоўнай абшчыне непрапарцыянальна вялiкае беспрацоўе, i дзяржава не выпрацавала паслядоўнай палiтыкi па зблiжэнню эстонскага i рускага насельнiцтва.

Раней мiжнародныя эксперты ўжо заяўлялi, што Эстонiя нядобрасумленна выконвае палажэннi Рамачнай канвенцыi Савета Еўропы па абароне нацменшасцяў.

ЕС ПЛАНУЕ ПАВЯЛIЧЫЦЬ КОШТ ВIЗ

Кошт турыстычных вiз у краiны Еўрасаюза ў блiжэйшы час можа вырасцi з 35 да 60 еўра.

Такая магчымасць зараз разглядаецца ў Бруселi. Павышэнне платы для нерэзiдэнтаў ЕС павiнна кампенсаваць выдаткi на ўвядзенне вiз з носьбiтам бiяметрычнай iнфармацыi. Сабекошт такой вiзы будзе дастаткова вялiкi, i каб кампенсаваць выдаткi, плануецца павялiчыць памер консульскага збору на 25 еўра.

З 23 ЛЮТАГА МАСКВIЧОЎ ПАВIНШАВАЛI ПЛАКАТАМI З ЛIНКОРАМ ВМС ЗША

Святочныя плакаты да Дня абаронцаў Айчыны з выявай легендарнага амерыканскага лiнкора «Мiсуры» з’явiлiся напярэдаднi свята на вулiцах Масквы. Выява амерыканскага лiнкора вельмi выразная — на борце можна нават разглядзець нумар «63».

Мiнабароны РФ ужо заявiла пра тое, што не мае дачынення да гэтых рэкламных плакатаў. У ваенным ведамстве мяркуюць, што памылка магла адбыцца з-за некампетэнтнасцi аўтараў i не з’яўляецца чыёйсьцi злой задумай. Як нагадаў «Московский комсомолец», летась да дня ВМФ на маскоўскiх дарогах з’явiлiся аналагiчныя плакаты: мора, Андрэеўскi сцяг, з-пад якога выплывае амерыканскi фрэгат «Нокс» з бартавым нумарам 1071.

Сёлетнi амерыканскi герой, якi вiншуе расiян, вядомы тым, што на яго борце 2 верасня 1945 года скончылася Другая сусветная вайна — на «Мiсуры» быў падпiсаны акт аб капiтуляцыi мiлiтарысцкай Японii.

ПАЎДНЁВАКАРЭЙСКАЯ МОЛАДЗЬ ГАТОВА АБАРАНIЦЬ КНДР АД ЗША

Палова паўднёвакарэйскай моладзi лiчыць, што ў выпадку нападу ЗША на КНДР Паўднёвая Карэя павiнна падтрымаць свайго паўночнага суседа. Пры гэтым за тое, каб выступiць на баку амерыканцаў выказалася толькi 11,6 працэнта рэспандэнтаў.