«Часта на рынках цяжка зразумець, у якой краiне зроблены тавар...»

Источник материала:

А на мой погляд...

У магазiнах цi на рынках можна набыць больш якасныя адзенне i абутак? Якiм таварам айчыннай вытворчасцi аддаюць перавагу беларусы? Аб гэтым карэспандэнт «Звязды» гутарыў з жыхарамi Мiнска, Браслава i Вiцебска.

Юрый ГРОС, загадчык аддзела пiсьмаў i прыёму грамадзян Сакратарыята Савета Рэспублiкi Нацыянальнага сходу:

— Што датычыцца набыцця адзення, то я не раблю вялiкiх адрозненняў памiж рынкам i магазiнам. Нешта набываю ў магазiнах, нешта — на рынках. Напрыклад, касцюмы, якiя набываў у апошнiя гады, былi iмпартнай вытворчасцi. З Расii, Польшчы. Набываў iх на рынках. Хоць, у прынцыпе, часта на рынках цяжка зразумець, у якой краiне зроблены тавар. Сам прадавец часам дакладна не ведае, дзе зроблены тавар... А вось абутак мая сям’я набывае ў асноўным беларускi. Фiрмаў «Марко», «Белвест».

Людмiла ХМЯЛЬНIЦКАЯ, дырэктар музея Марка Шагала ў Вiцебску:

— Палiто, курткi я iмкнуся набываць за мяжой, на Захадзе. Там можна знайсцi рэчы i танней, i якасней. А пiнжакi, касцюмы даводзiцца набываць у Беларусi. Але я iмкнуся набываць iх у Мiнску. I не на рынках.

Сярод беларускiх вытворцаў абутку я аддаю перавагу «Легранду». I ўвогуле я набываю ў асноўным беларускi абутак. Што датычыцца вiцебскага прадпрыемства «Марко», то я яшчэ не набывала яго прадукцыю. Але я чула, што мужчыны хваляць абутак гэтага прадпрыемства...

Мiкалай ДУБОВIК, намеснiк старшынi Камiсii па ахове здароўя, фiзiчнай культуры, справах сям’i i моладзi Палаты прадстаўнiкоў:

— Я прызвычаiўся набываць адзенне беларускiх вытворцаў. Доўгi час (у тым лiку калi толькi пачынаў працаваць дэпутатам) свае касцюмы я шыў у мiнскiм ПТВ № 13. I так было яшчэ гадоў 7—8 таму. У ПТВ рыхтуюць закройшчыкаў, i вучнi, як правiла, вельмi ўважлiва ставiлiся да вырабу заказаў. Звычайна людзi не верылi, калi я казаў, што мае касцюмы сшытыя звычайнымi вучнямi. Лiчылi, што я набываў свае касцюмы ў нейкiм фiрменым магазiне... Мабыць, варта было б заехаць у гэтае ПТВ i пашыць чарговы касцюм, але ўсё не магу сабрацца.

На рынку цi ў гандлёвых цэнтрах я не люблю набываць адзенне. Дзве нядаўнiя спробы набыцця адзення там не мелi станоўчага вынiку. Так, я набыў у адным з гандлёвых цэнтраў з выгляду добры касцюм. Аднак аказалася, што тканiна мнецца. Яго якасць мне не спадабалася...

Апошнi абутак, якi я набываў, быў беларускай фiрмы «Марко» i расiйскай фiрмы «Аxis». Прадукцыяй абедзвюх фiрмаў я задаволены.

Наталля ЛЯХ, начальнiк упраўлення iдэалагiчнай працы Браслаўскага райвыканкама:

— Касцюмы, пiнжакi, абутак я iмкнуся набываць у магазiнах раённага спажывецкага таварыства. Я больш давяраю гэтым магазiнам. I айчынным вытворцам. Напрыклад, фiрме «Элема», брэсцкай фiрме «Панда».

Абутак iмкнуся набываць фiрмаў «Белвест», «Марко». Але я хачу даць параду гэтым вытворцам — iм трэба ўлiчваць розную паўнату людзей i не арыентавацца выключна на «фотамадэляў». Iм трэба рабiць добры абутак для людзей рознай камплекцыi.