Закон Рэспублiкi Беларусь

Источник материала:

Прыняты Палатай прадстаўнiкоў 4 мая 2006 года

Адобраны Саветам Рэспублiкi 23 мая 2006 года

Артыкул 1. Унесцi ў Закон Рэспублiкi Беларусь ад 29 кастрычнiка 1991 года «Аб адукацыi» ў рэдакцыi Закона Рэспублiкi Беларусь ад 19 сакавiка 2002 года (Ведамасцi Вярхоўнага Савета Рэспублiкi Беларусь, 1991 г., № 33, ст. 598; Нацыянальны рэестр прававых актаў Рэспублiкi Беларусь, 2002 г., № 37, 2/844) наступныя змяненнi i дапаўненнi:

1. У артыкуле 10:

частку адзiнаццатую выкласцi ў наступнай рэдакцыi:

«У дзяржаўных установах, якiя забяспечваюць атрыманне прафесiйна-тэхнiчнай, сярэдняй спецыяльнай i вышэйшай адукацыi, ажыццяўляецца мэтавая падрыхтоўка квалiфiкаваных рабочых (служачых) i спецыялiстаў на аснове дагавораў аб мэтавай падрыхтоўцы, iстотныя ўмовы i парадак заключэння якiх вызначаюцца заканадаўствам Рэспублiкi Беларусь.»;

частку дванаццатую пасля слова «якiя навучаюцца» дапоўнiць словамi «у дзённай форме атрымання адукацыi»;

дапоўнiць артыкул часткамi трынаццатай—пятнаццатай наступнага зместу:

«Выпускнiкi ўстаноў адукацыi, якiя атрымалi прафесiйна-тэхнiчную, сярэднюю спецыяльную або вышэйшую адукацыю ў дзённай форме атрымання адукацыi за кошт сродкаў рэспублiканскага i (або) мясцовых бюджэтаў i накiраваны на работу па размеркаванню, лiчацца маладымi рабочымi (служачымi), маладымi спецыялiстамi i абавязаны адпрацаваць па размеркаванню адзiн год — пасля атрымання прафесiйна-тэхнiчнай адукацыi, два гады — пасля атрымання сярэдняй спецыяльнай або вышэйшай адукацыi. Указаны тэрмiн работы вылiчваецца з дня заключэння працоўнага дагавора памiж маладым рабочым (служачым), маладым спецыялiстам i наймальнiкам.

Малады рабочы (служачы), малады спецыялiст, якi не адпрацаваў тэрмiн работы па размеркаванню, прадугледжаны часткай трынаццатай гэтага артыкула, абавязаны кампенсаваць сродкi, затрачаныя на iх падрыхтоўку з рэспублiканскага i (або) мясцовых бюджэтаў, у адпаведны бюджэт.

Парадак i ўмовы кампенсавання сродкаў у рэспублiканскi i (або) мясцовыя бюджэты, затрачаных дзяржавай на падрыхтоўку рабочага (служачага), спецыялiста, а таксама падставы для вызвалення ад кампенсавання ўказаных сродкаў устанаўлiваюцца Урадам Рэспублiкi Беларусь.».

2. У артыкуле 46:

з часткi першай слова «дзяржаўным» выключыць;

частку другую выкласцi ў наступнай рэдакцыi:

«Кiраўнiцтва ўстановай адукацыi ажыццяўляе кiраўнiк, якi назначаецца ў парадку, устаноўленым заканадаўчымi актамi.»;

частку трэцюю выключыць.

Артыкул 2. Пункт 2 артыкула 26 Закона Рэспублiкi Беларусь ад 29 чэрвеня 2003 года «Аб прафесiйна-тэхнiчнай адукацыi» (Нацыянальны рэестр прававых актаў Рэспублiкi Беларусь, 2003 г., № 76, 2/965) выкласцi ў наступнай рэдакцыi:

«2. Кiраўнiцтва ўстановай, якая забяспечвае атрыманне прафесiйна-тэхнiчнай адукацыi, ажыццяўляе кiраўнiк, якi назначаецца ў парадку, устаноўленым заканадаўчымi актамi.».

Артыкул 3. Гэты Закон уступае ў сiлу праз дзесяць дзён пасля яго афiцыйнага апублiкавання.

Артыкул 4. Савету Мiнiстраў Рэспублiкi Беларусь у трохмесячны тэрмiн пасля ўступлення ў сiлу гэтага Закона:

забяспечыць прывядзенне нарматыўных прававых актаў у адпаведнасць з гэтым Законам;

прыняць iншыя меры, неабходныя для рэалiзацыi палажэнняў гэтага Закона.

Прэзiдэнт Рэспублiкi Беларусь А. ЛУКАШЭНКА

12 чэрвеня 2006 года, г. Мiнск.

№ 123—З