Экзатычныя iнфекцыi не дрэмлюць на заморскiх пляжах

Источник материала:

Фактар рызыкі

— Асаблiвую небяспеку для чалавека ўяўляюць такiя каранцiнныя iнфекцыi, як чума, халера, жоўтая лiхаманка, малярыя, вiрусныя гемарагiчныя лiхаманкi, у прыватнасцi, Эбала, Ласа, хвароба Марбург i iнш. Паводле даных Сусветнай арганiзацыi аховы здароўя, санiтарна-эпiдэмiялагiчная абстаноўка па гэтых iнфекцыях застаецца нестабiльнай.

Штогод рэгiструецца каля 200 тысяч выпадкаў захворванняў халерай. Гэта iнфекцыя распаўсюджана ў Афрыцы, краiнах Iндыйскага паўвострава, рэгiстравалiся завазныя выпадкi халеры на амерыканскiм кантыненце, у прыватнасцi ў ЗША.

У Паўднёвай Амерыцы, Заходняй, Цэнтральнай i Усходняй Афрыцы распаўсюджана жоўтая лiхаманка. Чалавеку яна перадаецца камарамi. Яны ж з’яўляюцца пераносчыкамi i такой небяспечнай iнфекцыi, як малярыя. Апошняя ў Беларусi лiквiдавана. Аднак штогод адзначаюцца выпадкi завозу яе з краiн з трапiчным i субтрапiчным клiматам. Летась, напрыклад, у нашай рэспублiцы было зарэгiстравана 10 завазных выпадкаў малярыi. Таму людзi, якiя адпраўляюцца ў неспрыяльныя краiны па малярыi, павiнны мець пры сабе прэпараты хiмiятэрапii, каб засцерагчыся ад гэтай iнфекцыi.

Адна з самых небяспечных iнфекцый — чума. Аднак паводле даных Сусветнай арганiзацыi аховы здароўя, летась не было зарэгiстравана выпадкаў захворвання на гэту iнфекцыю. I ўсё ж узбуджальнiк чумы сёння захоўваецца ў пэўных раёнах Азii, Афрыкi. Прыродныя ачагi чумы ёсць i ў краiнах СНД (Туркменiстан, Узбекiстан, Казахстан).

Хачу адзначыць, што кожны год рэгiструюцца новыя iнфекцыi. Летась гэта была атыповая пнеўманiя, а сёлета адна з праблем сусветнага маштабу — птушыны грып. На дадзены момант ачагi апошняга зарэгiстраваны ў 57 краiнах, у 10 з iх ужо захварэлi людзi.

Што датычыцца курортаў блiзкага замежжа, то сiтуацыя тут такая. У канцы снежня мiнулага года быў выяўлены ачаг птушынага грыпу ў Крыме. Аднак да сакавiка гэтага года абмежаваннi, звязаныя з iнфекцыяй, былi знятыя i ачаг закрыты. На чарнаморскiм узбярэжжы, Азоўскiм моры выпадкаў захворвання чалавека на птушыны грып няма, тут хварэлi выключна птушкi. З краiн былога СССР толькi на тэрыторыi Азербайджана было зарэгiстравана 10 выпадкаў захворвання людзей.

— Як турыстам засцерагчы сябе ад небяспечных хвароб падчас адпачынку?

— Вельмi важна мець дакладную iнфармацыю аб эпiдэмiялагiчнай сiтуацыi ў краiне, куды вы сабралiся. Калi паездкi арганiзаваныя, то такiя звесткi павiнны даваць тураператары. Калi ж вы на адпачынак сабралiся самi па сабе, то iнфармацыю па эпiдсiтуацыi ў тых цi iншых рэгiёнах i мерах асабiстай прафiлактыкi можна атрымаць у Рэспублiканскiм цэнтры гiгiены i эпiдэмiялогii, а таксама ў абласных цэнтрах, спецыялiстаў якiх мы пастаянна iнфармуем аб сiтуацыi. Перыядычна гэтыя звесткi Рэспублiканская эпiдслужба змяшчае на сваiм сайце ў Iнтэрнэце.

Спецыялiсты-эпiдэмiёлагi раяць людзям, якiя выязджаюць у краiны, неспрыяльныя па жоўтай лiхаманцы i малярыi, зрабiць прышчэпку супраць першай iнфекцыi i правесцi хiмiяпрафiлактыку супраць другой.

Аднак перад паездкай пажадана правесцi медыцынскае абследаванне, якое дапаможа выявiць процiпаказаннi да вакцын, а таксама хранiчныя захворваннi, пры якiх не рэкамендуецца ехаць у тыя цi iншыя рэгiёны зямнога шара.

Падчас знаходжання ў чужой краiне нельга купацца ў невядомых вадаёмах, пiць ваду з адкрытых крынiц. Для пiцця трэба выкарыстоўваць бутыляваную ваду, яна таксама падыходзiць для мыцця садавiны i гароднiны. Абавязкова мыць кавуны i апельсiны, а не толькi яблыкi i вiнаград. Рукi мыць з мылам цi выкарыстоўваць вiльготныя сурвэткi з бактэрыцыдным эфектам.

Нельга ўжываць разлiўныя вiны мясцовай вытворчасцi. I ўвогуле як мага менш мець кантактаў з невядомай вадой, прадуктамi, пляжамi.

— Якой павiнна быць аптэчка турыста, каб аказаць першую даўрачэбную дапамогу?

— Улiчваючы тое, што падчас паездкi можа мяняцца клiмат, рэжым харчавання, то верагоднае ўзнiкненне банальных неiнфекцыйных расстройстваў кiшэчнiка. Вазьмiце з сабой «Смекту», актываваны вугаль. А вось з антыбiётыкамi трэба быць асцярожнымi, яны могуць больш пашкодзiць, чым дапамагчы, напрыклад, забiць флору кiшэчнiка, i тады адпачынак прынясе непрыемныя праблемы.

У аптэчку трэба пакласцi бактэрыцыдныя сродкi, бiнты, вату, марлю, лейкапластыр, ёд, зялёнку. Таксама — валiдол, процiалергiчныя сродкi i прэпараты для лячэння прастудных захворванняў. Захапiце з сабой рэпеленты i мазi для лячэння траўмаў.

Гутарыла Вольга ШАЎКО.