У наступным годзе ў гарадах будзе будавацца 80 працэнтаў некамерцыйнага жылля

Источник материала:

Ужо зараз у сельскай мясцовасцi i малых гарадскiх паселiшчах пабудавана i здадзена 862 тыс. кв. м жылля, што ў 1,5 раза перавышае заданне паўгоддзя. За 6 месяцаў у эксплуатацыю было ўведзена 957 тыс. кв. м жылля для грамадзян, якiя стаяць на ўлiку маючых патрэбу ў паляпшэннi жыллёвых умоў, доля такога жылля складае 46,2 працэнта ад агульнага аб’ёму ўводу па краiне. Сёлета ўдзельную вагу такога жылля трэба па заданню ўрада павялiчыць да 60 працэнтаў.

Кiраўнiк Мiнбудархiтэктуры адзначыў, што летась доля жылля па кошту 350—400 долараў за квадратны метр складала ад агульнага аб’ёму толькi 30—35 працэнтаў. Аднак ужо ў наступным годзе для маючых патрэбу ў паляпшэннi жыллёвых умоў трэба будаваць да 80 працэнтаў усяго запланаванага жылля. Кошт жылля будзе ўжо не 400 долараў, але ўзровень цаны квадратнага метра павiнен быць даступным большасцi гарадскога насельнiцтва — не больш як 600—650 долараў.

Паводле планаў супрацоўнiкаў Мiнбудархiтэктуры, ужо ў 2010 годзе ў краiне будзе будавацца 6 млн 200 тыс. кв. м жылля агульнай плошчы, дзе прыкладна мiльён квадратных метраў жылля будзе пабудавана ў сельскай мясцовасцi, амаль такi ж аб’ём будзе адпавядаць долi iндывiдуальнага жылля, а вось 4,2 мiльёна квадратных метраў жылля пабудавана менавiта па даступных цэнах.

З другога боку, камерцыйнае жыллё, якое прапануецца грамадзянам, што не маюць патрэбы ў паляпшэннi жыллёвых умоў, будзе i надалей толькi даражэць. Справа ў тым, што камерцыйнае жыллё будзе мэтанакiравана будавацца ў маленькiх аб’ёмах. Кватэры такога рангу стануць дэфiцытам i кошт квадратнага метра элiтных кватэр можа дасягаць нават 1200—1300 долараў.

Мiнiстр адзначыў, што па iнiцыятыве спецыялiстаў будаўнiчай галiны сёння падрыхтаваны два праекты ўказаў кiраўнiка дзяржавы аб унясеннi змяненняў i дапаўненняў у асобныя ўказы Прэзiдэнта Рэспублiкi Беларусь. Мяркуецца, што плануемыя змяненнi дазволяць пашырыць магчымасцi льготнага крэдытавання грамадзянам пры будаўнiцтве, куплi цi рэканструкцыi жылля, якiя пражываюць у населеных пунктах з насельнiцтвам ад 20 да 40 тыс. чалавек. Таксама прадугледжваецца павялiчыць памеры фiнансавай дапамогi шматдзетным сем’ям ад сумы запазычанасцi па льготнаму крэдыту: для тых, хто мае траiх дзяцей, — у памеры 50 працэнтаў, чацвярых — у памеры 70 працэнтаў, пяцi дзяцей — 100 працэнтаў.