У Гомелi танцы. На любы густ

Источник материала:

Правядзенне фестывалю прымеркавана да Дня правядзення горада ўжо ў чацвёрты раз, i на гэтыя святы сабралася тры з паловай тысячы гасцей i больш за 1200 удзельнiкаў творчых груп з дзесяцi краiн, сярод якiх Расiя, Украiна, Малдова, Балгарыя, Францыя, Эстонiя i iнш. Прыехалi таксама прадстаўнiкi гарадоў-пабрацiмаў Гомеля з Польшчы, Расii, Украiны, расiйскiх гарадоў Бранска, Масквы, Санкт-Пецярбурга, Нiжняга Ноўгарада.

У конкурснай праграме будуць спаборнiчаць памiж сабой прафесiйныя i самадзейныя дарослыя калектывы па чатырох намiнацыях — бальна-спартыўнаму, сучаснаму, эстраднаму танцу i народна-сцэнiчнай харэаграфii. Многiя ўдзельнiчалi ў папярэднiх фестывалях горада на Сожы. Упершыню выступiць вельмi цiкавы этнiчны шоу-ансамбль «Чукотка» з Анадыра...

На гэтай жа сцэне ў адзiн i той жа дзень у грамадска-культурным цэнтры выступiць, але ўжо ў зусiм iншым стылi знакамiты калектыў — дзяржаўны ансамбль танца Беларусi, дзе мастацкiм кiраўнiком з’яўляецца народны артыст рэспублiкi прафесар Валянцiн Дудкевiч. Несумненна, што блiснуць сваiм высокiм майстэрствам Нацыянальны акадэмiчны хор Рэспублiкi Беларусь iмя Цiтовiча, тэатр дзiцячага балета «Эльф» з Масквы, салiстка Iрына Дарафеева, пераможца дзiцячага конкурсу «Еўрабачанне-2006» Ксенiя Сiтнiк i многiя iншыя, якiя запрошаны сюды не як удзельнiкi конкурсу, а як знакамiтыя калектывы i выканаўцы.

Адкрыццё фестывалю адбудзецца на Цэнтральным стадыёне горада сёння ў 20 гадзiн. Вячэрнi час для гэтага выбраны невыпадкова. Упершыню тут будзе паказаны так званы жывы фон (спецыяльныя практыкаваннi некалькiх тысяч чалавек) са спецыяльнымi пiратэхнiчнымi эфектамi, а канцэрты будуць праходзiць як на дзевяцi канцэртных пляцоўках, так i ў палацах культуры.

Аргкамiтэт па правядзенню фестывалю, якi ўзначальвае старшыня гарвыканкама Аляксандр Бяляеў, усё прадумаў да драбнiц. Ва ўсiх раёнах прайшлi суботнiкi, прымеркаваныя да гэтай падзеi, у фiнансавую падтрымку свята падключылiся не толькi прамысловыя, будаўнiчыя i транспартныя арганiзацыi, але i прадпрымальнiкi. Пералiчана на дабрачынны рахунак 37 мiльёнаў рублёў.