«На тытунёвым рынку павінен быць наведзены ідэальны парадак»

Источник материала:

Прэзiдэнт запатрабаваў ад урада далажыць, як выкананы яго даручэннi па развiццю тытунёвага рынку краiны. «Усё было распiсана да дробязi», — нагадаў ён.

Паводле слоў Аляксандра Лукашэнкi, развiццё тытунёвага рынку Беларусi з’яўляецца праблемным пытаннем. З боку Прэзiдэнта было нямала ўвагi нададзена яго асноўнаму ўдзельнiку — гродзенскай тытунёвай фабрыцы «Нёман». У рэканструкцыю прадпрыемства дзяржава ўклала больш як Br50 млрд.

«А сiтуацыя там неадназначная, што здзiўляе», — сказаў Аляксандр Лукашэнка.

З улікам выказаных на нарадзе меркаванняў і прапаноў Прэзідэнт указаў на неабходнасць скараціць тэрміны рэалізацыі праграмы тэхнічнага пераўзбраення гродзенскага «Нёмана» — усе планы павінны ажыццявіцца ўжо ў 2008 годзе. Кіраўнік дзяржавы даручыў у бліжэйшы час вырашыць усе пытанні функцыянавання тытунёвага рынку краіны. Галоўны арыенцір — выпуск якаснай і канкурэнтаздольнай прадукцыі.

У завяршэнне Аляксандр Лукашэнка адзначыў, што ў хуткім часе самая пільная ўвага будзе звернута на тое, як выконваюцца яго даручэнні, што датычацца дзейнасці алкагольнага, рыбнага, аўтамабільнага рынкаў.

Паводле паведамленняў прэс-службы Прэзідэнта Рэспублікі Беларусь і БЕЛТА.