Хроніка апошніх падзей

Источник материала:

Пастаўкi нафты ў Беларусь скарацiлiся на 30 працэнтаў. Па прадпiсанню Ростэхнагляду кампанiя «Транснафта» панiзiла цiск на беларускiм накiрунку нафтаправода «Дружба». У «Транснафце» патлумачылi, што такое рашэнне звязана з працягам абследавання дэфектаў нафтаправода.

Паводле iнфармацыi кампанii, зрэзаны кастрычнiцкi графiк пастаўкi не толькi Мазырскаму i Наваполацкаму НПЗ, але i ўсiм расiйскiм нафтавiкам, якiя працуюць на гэтым накiрунку. Як паведамлялася раней, у Суражскiм раёне Бранскай вобласцi з-за аварыi на Унеча-Полацкiм участку нафтаправода «Дружба» забруджванню падверглiся звыш 10 квадратных кiламетраў глебы. Тады Распрыроднагляд i Растэхнагляд прадпiсалi знiзiць цiск у трубаправодзе, i нафта перастала паступаць у Лiтву. Другая ўцечка здарылася 18 верасня на ўчастку Унеча—Мазыр.

ПАЖАР НА ЗАВОДЕ MAZEIKIU NAFTA Ў ЛIТВЕ НАНЁС ШМАТМIЛЬЁННЫ ЎРОН

У чацвер у 14.30 па мясцовым часе на лiтоўскiм нафтаперапрацоўчым заводзе Mazeikiu Nafta ўзнiк пажар, якi працягваўся пяць з паловай гадзiн. Нават пасля таго як тушэнне было завершана, пажарныя, каб пазбегнуць паўторнага ўзгарання, пэўны час працягвалi займацца ахаладжэннем канструкцый, якiя нагрэлiся.

Прэм’ер-мiнiстр Лiтвы Гедымiнас Кiркiлас заявiў, што ў вынiку пажару заводу нанесены шматмiльённы ўрон. Паводле папярэдняй iнфармацыi, пажар мог пачацца з-за разлiву нафтапрадуктаў у камеры вакуумнай дыстыляцыi.

НАЧАЛЬНIК БРЫТАНСКАГА ГЕНШАТАБА ЗАЯВIЎ АБ НЕАБХОДНАСЦI ПАКIНУЦЬ IРАК

Генерал Рычард Данат, у прыватнасцi, сказаў, што знаходжанне войскаў у Iраку негатыўна адбiваецца на бяспецы Вялiкабрытанii. На думку генерала, брытанскiя войскi варта вывесцi з Iрака ў блiжэйшы час.

Данат адзначыў: «Мы ў мусульманскай краiне, i адносiны мусульман да iншаземцаў у iх краiне абсалютна ясныя. Iншаземца могуць запрасiць у краiну, але нас дакладна сюды нiхто нiколi не запрашаў».

РАТ «ЕЭС РАСII» МАЕ НАМЕР ЗIМОЙ МIНIМIЗАВАЦЬ ЭКСПАРТ ЭЛЕКТРАЭНЕРГII Ў БЕЛАРУСЬ

РАТ «ЕЭС Расii» ў зiмовы максiмум скароцiць экспарт электраэнергii ў Беларусь, а таксама ва Украiну, на Каўказ i ў краiны Балтыi. Аб гэтым, як паведамляюць iнфармагенцтвы, заявiў на прэс-канферэнцыi ў Астане па вынiках 30-га пасяджэння Электраэнергетычнага савета СНД старшыня праўлення РАТ «ЕЭС Расii» Анатоль Чубайс.

«Цяпер у Расii ў цэлым вельмi складаная сiтуацыя па дэфiцыту магутнасцяў...» — адзначыў пры гэтым кiраўнiк РАТ «ЕЭС Расii». Кар. БЕЛТА.

ЭРА ПАВОДАК I ТРАПIЧНЫХ ЛIЎНЯЎ?

Вучоныя шведскага Дзяржаўнага геатэхнiчнага iнстытута настойваюць на неадкладным правядзеннi праграмы «мiнiмальнай абароны» ад глабальнага пацяплення.

Даследаваннi, праведзеныя супрацоўнiкамi iнстытута па заданню шведскага ўрада, паказалi, што ў блiжэйшае дзесяцiгоддзе паводкi i апоўзнi сатруць з твару зямлi раёны краiны з буйнейшымi прамысловымi цэнтрамi. У зоне павышанай рызыкi аказаўся другi па велiчынi горад Швецыi Гетэборг. Адметна, што высновы скандынаўскiх вучоных прымянiмыя i да iншых рэгiёнаў планеты. Напрыклад, да Мурманскай вобласцi Расii i Карэлii. Iх прыродныя ўмовы iдэнтычныя скандынаўскiм. Атрымлiваецца, што ў зоне патэнцыяльнай катастрофы знаходзiцца некалькi буйных гарадоў, вялiкая колькасць ваенных баз i высокатаксiчных вытворчасцяў.