Памiж Грэцыяй i Бельгiяй

Источник материала:

Муз-news

Такiм чынам, прадстаўнiк Беларусi Андрэй Кунец са сваёй песняй «Новый день» выступiць пад дванаццатым нумарам, перад iм пакажа сваё выступленне Грэцыя, «чортавы тузiн» дастаўся Бельгii, 14-ы нумар — Харватыi, апошнi, 15-ы — сястрычкам-блiзнятам з Расii.

Вiкторыя ЦЕЛЯШУК.

P.S. Нядаўна ў Андрэя адкрыўся асабiсты афiцыйны сайт — kunets.by.ru. Там можна пазнаёмiцца з бiяграфiяй i творчасцю юнага спевака, «пагартаць» вiртуальны фотаальбом, даведацца блiжэйшы — трэба сказаць, даволi шчыльны — расклад выступленняў Андрэя.

«MERRY POPPINS»: ДЗЯЎЧАТЫ ЗВЕРХУ

Дзявочы дуэт, якi нядаўна ператварыўся ў трыо i зараз складаецца з Алесi, Марусi i Люсi Берулава, напiсаў загалоўную песню да новага расiйскага тэлесерыяла «Трое зверху». Гэты шматсерыйны сiтком (камедыя становiшчаў) амаль адначасова стартаваў у Беларусi i Расii, а ва Украiне паказ пачнецца ў лiстападзе.

Паводле сюжэта, дзве дзяўчыны i хлопец здымаюць кватэру ў пажылой пары, якая жыве на нiжнiм паверсе i спрабуе актыўна ўмешвацца ў жыццё маладых людзей. «У серыяле вiруюць любоўныя страсцi, якiя ўсё нiяк не знаходзяць выйсця. Шмат жартаў на тэму сэксу, але пры тым усё дастаткова мiла i тактоўна, — расказвае Алеся з «Merry Poppins». — Менавiта гэты элемент лёгкай правакацыi нам вельмi сiмпатычны». Песня «Амуры», якую дзяўчаты напiсалi спецыяльна для гэтага ТБ-праекта, адкрывае i закрывае кожную серыю сiткома.

СЛУХАЙЦЕ СВАЁ! I НА СВАЁЙ!

Аўтар i кампазiтар Яўген Чалышаў апошнiм часам зрабiў многа хiтоў для iншых выканаўцаў i калектываў — хадзiлi нават чуткi, што яго ўласны праект, ВIА «Харлi», цi то распаўся, цi то на мяжы распаду. Аднак чуткi не пацвердзiлiся — а гурт засеў у стылi, каб запiсаць 6 песень на рускай i беларускай мовах. Дзве з iх — «Добрыя людзi» i «Небо для тебя» — ужо трапiлi ў эфiр айчынных радыёстанцый.

Праўда, з ратацыяй першай песнi ўзнiклi пэўныя праблемы: аказваецца, пры заяўленых 75 працэнтах беларускiх песень у эфiры беларускамоўныя творы чамусьцi трапiлi ў катэгорыю «нефармат». «Я не разумею, навошта ўвогуле спяваць па-беларуску, калi ў Беларусi гэтыя песнi нiкому не патрэбныя?!» — абурыўся Яўген. З гэтай прычыны большасць песень у новым альбоме ВIА «Харлi» прагучыць на рускай мове. Парадокс? Тэндэнцыя, аднак...

БЫВАЙ, ЗБРОЯ, ЦI ВIВАТ, КАХАННЕ?

Новая англамоўная спявачка Алiя прэтэндуе на любоў беларускiх слухачоў, а цяпер i гледачоў — нядаўна на «Першым музычным» з’явiўся яе клiп «Remember me». Праўда, самой артысткi ў ролiку не бачна, замест жывой дзяўчыны выступае намаляваная.

Але, як сцвярджае прадзюсар Алii Руслан Русанкоў, малюнак гэты вельмi блiзкi да арыгiнала. «Проста мы з самага пачатку хацелi зрабiць менавiта анiмацыйны клiп, каб захаваць iнтрыгу. Гледачы яшчэ ўбачаць твар Алii — але не зараз», — тлумачыць пра-дзюсар. Дарэчы, ролiк зняты рэжысёрам Алегам Салахавым паводле твора Хемiнгуэя «Бывай, зброя» — так што атрымалася гэткая гiсторыя салдацкага кахання.

ЁН ВАС НАВУЧЫЦЬ ШОУ-БIЗНЭСУ

Падобна на тое, што ў нас будзе ўласны Арцемiй Троiцкi — музычны крытык i энцыклапедыст. На гэта вакантнае месца ў беларускай калямузычнай прасторы прэтэндуе Вячаслаў Бандарэнка — музыкант (гурт «Чэхаў»), радыё- i тэлевядучы («Альфа радыё» i «ЛАД» адпаведна). Ва ўсякiм выпадку, 10-годдзе сваёй прафесiйнай дзейнасцi Вячаслаў адзначыў новай кнiгай — «Энцыклапедыя папулярнай музыкi».

Тут няма агаворкi, кнiга сапраўды новая: гэта другое выданне. Першая энцыклапедыя ўбачыла свет яшчэ ў 2001 годзе i ўтрымлiвала звесткi пра 300 замежных гуртоў. Новая кнiга на 60 старонак таўсцейшая i на 57 гуртоў большая. Дарэчы, у Расii «Энцыклапедыя папулярнай музыкi» з 2005 года ўваходзiць у спiс лiтаратуры абавязковай для вывучэння ў некалькiх ВНУ.

Вядучая рубрыкi Вiкторыя ЦЕЛЯШУК.