Юбiлей альма-матэр беларускай медыцыны

Источник материала:

85 гадоў прайшло з таго дня, як пачалiся першыя заняткi на медыцынскiм факультэце Беларускага дзяржаўнага ўнiверсiтэта. Менавiта з адкрыцця ў 1921 годзе ў сценах БДУ медыцынскага факультэта вядзе свой адлiк гiсторыя Беларускага дзяржаўнага медыцынскага ўнiверсiтэта.

Першы яго выпуск адбыўся ўжо праз чатыры гады — у 1925 годзе дыплом урача атрымаў 21 выпускнiк факультэта. Аднак доўгi час медыцынскi факультэт не задавальняў патрэбы краiны ў медыцынскiх кадрах. Таму ў 1930 годзе было прынята рашэнне аб рэарганiзацыi медыцынскага факультэта БДУ ў Беларускi медыцынскi iнстытут.

БДМУ быў «пiянерам» у многiх пачынаннях, якiя датычацца правядзення справядлiвай i празрыстай прыёмнай кампанii. Тут першымi ў краiне адмянiлi льготны парадак прыёму для медалiстаў. Прымусiлi выпускнiкоў падрыхтоўчага аддзялення паступаць нароўнi з усiмi абiтурыентамi. Сталi практыкаваць адкрытае залiчэнне ў студэнты ў прысутнасцi абiтурыентаў i iх бацькоў. А калi ў грамадстве яшчэ працягвалiся дыскусii i спрэчкi наконт мэтазгоднасцi правядзення ўступных iспытаў у форме цэнтралiзаванага тэсцiравання, Павел Беспальчук першым з рэктараў ВНУ заявiў аб сваёй гатоўнасцi поўнасцю адмовiцца ад правядзення ўласнай прыёмнай кампанii i правесцi залiчэнне абiтурыентаў па сертыфiкатах цэнтралiзаванага тэсцiравання.