Вяскоўцам патрабуецца «Адно акно»

Источник материала:

Пры гэтым, паведамiлi ў Мiнiстэрстве працы i сацыяльнай абароны, каб зрабiць сацыяльныя паслугi даступнымi для жыхароў «сельскагаспадарчых» раёнаў, сацыяльныя службы перайшлi ўжо на рэжым работы без перапынкаў на абед, уведзены дзяжурствы спецыялiстаў па выхадных, перагледжаны графiкi правядзення пасяджэнняў камiсiй па прызначэнню пенсiй i дапамог. Апроч таго, зменены тэрмiны разгляду зваротаў. Да прыкладу, паводле слоў загадчыка сектара каардынацыi i ўзаемадзеяння з мясцовымi органамi Таццяны Малчанавай, зараз пажылыя людзi i iнвалiды, якiя маюць неабходнасць у змяшчэннi ў iнтэрнат, праходзяць неабходныя медыцынскiя абследаваннi на працягу аднаго дня.

Адначасова для паскарэння разгляду зваротаў насельнiцтва для раённых упраўленняў па працы i сацыяльнай абароне былi закуплены новыя рабочыя станцыi — персанальныя камп’ютары, укамплектаваныя крынiцай бесперабойнага сiлкавання, сеткавым фiльтрам i прынтарам. У прыватнасцi, з пачатку года ўжо ўдалося набыць 280 такiх станцый за кошт рэспублiканскага i 195 — за кошт мясцовых бюджэтаў.

Мiж тым, адзначаюць у мiнiстэрстве, пераход на работу ў «паскораным рэжыме» аказаўся запатрабаваным. Да прыкладу, сёлета па прынцыпу «аднаго акна» па адрасную сацыяльную дапамогу ў цэлым па краiне звярнулася звыш 45 працэнтаў сем’яў i амаль 80 працэнтаў адзiнокiх грамадзян. Прычым гэтыя паказчыкi ў сельскай мясцовасцi аказалiся вышэй, чым у гарадах.