Дапамогу на дзiцячае харчаванне разлiчаць па новых правiлах

Источник материала:

Адначасова, нагадала прэс-сакратар Мiнiстэрства працы i сацыяльнай абароны Галiна Трафiменка, ёсць намер павялiчыць дапамогi па догляду дзiцяцi ва ўзросце да 3 гадоў. Зараз такая дапамога вызначана на ўзроўнi 65 працэнтаў бюджэту пражытачнага мiнiмуму, аднак, як чакаецца, на працягу 2007—2009 гадоў яна паступова выйдзе на адзнаку 100 працэнтаў БПМ.

Не менш цiкавыя планы датычацца павелiчэння падтрымкi ў пагашэннi крэдытаў на будаўнiцтва цi рэканструкцыю жылля. Так, для шматдзетных сем’яў узровень спiсання запазычанасцi па льготных крэдытах павiнен узрасцi з 30 да 50 працэнтаў пры нараджэннi цi наяўнасцi 3 дзяцей, i з 50 да 70 працэнтаў — пры нараджэннi цi наяўнасцi 4 дзяцей. А пры атрыманнi камерцыйных крэдытаў на будаўнiцтва i рэканструкцыю жылля мяркуецца прадастаўляць фiнансавую падтрымку ў памеры 20 бюджэтаў пражытачнага мiнiмуму пры нараджэнii цi наяўнасцi аднаго, 40 БПМ — пры нараджэннi цi наяўнасцi двух i 50 БПМ — пры нараджэнii цi наяўнасцi траiх i больш дзяцей. Праўда, тут жа варта зрабiць адну заўвагу: фiнансавую падтрымку ў пагашэннi «няльготных» крэдытаў мяркуецца прадаставiць менавiта маладым сем’ям. Дарэчы, паводле даных мiнiстэрства, зараз у Беларусi налiчваецца 1 млн 580 тыс. сем’яў з дзецьмi ва ўзросце да 18 гадоў. Пры гэтым 59 працэнтаў такiх сем’яў маюць аднаго, 35 працэнтаў — дваiх, а 6 працэнтаў — траiх i больш дзяцей.