Не спяшаемся грыпаваць...

Источник материала:

— Паводле нашых папярэднiх прагнозаў, грып павiнен быў прыйсцi ў Беларусь напрыканцы студзеня — у пачатку лютага, — паведамiла спецыялiст. — Але студзень прайшоў, а «грыпозная хваля» да нас так i не дакацiлася. Праўда, са сваiм прыходам грып затрымаўся паўсюдна ў паўночным паўшар’i. I тая ж Расiя яшчэ толькi пачынае грыпаваць: мяркуючы па ўсiм, грыпозная эпiдэмiя будзе распаўсюджвацца на еўрапейскую частку краiны з ўсходняга напрамку.

Як сведчаць шматгадовыя эпiдэмiялагiчныя назiраннi, часцей за ўсё грыпозная эпiдэмiя ахоплiвала Беларусь у другой палове зiмы, але ў асобныя гады, прыход эпiдэмii адцягваўся да вясны цi грып прыходзiў яшчэ ў снежнi. Леташнюю эпiдэмiю таксама нельга назваць характэрнай, паколькi на грып i прастуду перахварэлi толькi 4 працэнты беларусаў, хоць звычайна ў эпiдэмiю аказваюцца ўцягнутыя ад 10 да 12 працэнтаў насельнiцтва нашай краiны.

Будучая эпiдэмiя будзе мець змешаны характар з цыркуляцый вiрусаў А (H3N2) i тыпу В (Малайзiя). Хоць не выключаецца таксама i ўдзел у эпiдэмiчным працэсе вiрусу А (H1N1). Менавiта на гэтыя штамы i разлiчана процiгрыпозная вакцына. Пакуль што наша лабараторная дыягностыка сведчыць аб цыркуляцыi на тэрыторыi Беларусi пераважна адэнавiрусаў, РС-вiрусаў i вiрусаў парагрыпe. Доля выдзеленых вiрусаў грыпу зусiм невялiкая. Такiм чынам, на сёння можна гаварыць толькi пра сезонны ўздым прастуднай захворваемасцi. Да эпiдэмiчных паказчыкаў мы пакуль не наблiзiлiся...