Родныя сцены дапамагаюць

Источник материала:

Спорт-тайм

Родныя сцены дапамаглi i зборнай Германii. На сусветным першынстве па гандболу яна выйграла ў трэцi раз у сваёй гiсторыi. Цiкава, што ў фiнале гаспадары змаглi ўзяць рэванш за адзiнае паражэнне на турнiры: у папярэднiм раундзе нямецкая каманда ўступiла польскай дружыне з лiкам 25:27. Аднак у галоўным паядынку немцы аказалiся мацнейшымi — 29:24.

Самсонаў — лепшы сярод еўрапейцаў

На турнiры ў iтальянскiм Арэца, дзе выступала 12 мацнейшых еўрапейскiх майстроў малой ракеткi, блiскуча згуляў беларускi тэнiсiст Уладзiмiр Сам-сонаў. Наш зямляк перамог у фiнале грэка Калiнiкаса Крэангу — 4:1.

Лiдары не здаюцца

У чарговым туры адкрытага чэмпiянату Беларусi па хакею з шайбай мiнскiя каманды, якiя лiдзiруюць у першынстве, завяршылi свае матчы перамогамi. «Керамiн» засмуцiў наваполацкi «Хiмiк-СКА» — 7:4, «Дынама» — гродзенскi «Нёман» — 5:2, а «Юнацтва» — «Гомель» — 4:3 (у пераможцаў адпаведна па 103, 99 i 95 ачкоў). Жлобiнскi «Металург» справiўся з аўтсайдарам «Брэстам» — 6:2, а «Вiцебск» — з кiеўскiм «Сокалам» — 4:1.

Прыгожыя i знакамiтыя

Нападаючы «Манчэстар Юнайтэд» Уэйн Рунi па мянушцы Шрэк прызнаны самым непрыгожым сярод спартсменаў-знакамiтасцяў. Такiя даныя прывяла брытанская кампанiя Оnероll, якая арганiзавала апытанне 4 тысяч балельшчыц: дамам прапанавалi назваць самых прывабных i наадварот непрыгожых атлетаў у гiсторыi спорту. Дарэчы, самым прыгожым стаў футбалiст Дэвiд Бекхэм. У пяцёрцы самых прывабных таксама iгракi Цьеры Анры, Фрэдрык Юнгберг, Давiд Жынела i тэнiсiст Андрэ Агасi.

Чэмпiянат Iталii прыпынены...

Iтальянская федэрацыя футбола спынiла чэмпiянат краiны i гульнi з удзелам нацыянальнай зборнай пасля таго, як на Сiцылii з-за фанатаў загiнуў палiцэйскi. Ахоўнiк правапарадку пацярпеў ад выбуху петарды, якая трапiла яму ў твар. У сутыкненнi з балельшчыкамi наогул было паранена каля 70 палiцэйскiх.