Пiць i сядзець?

Источник материала:

Канферэнц-зала

Мiнаюць часы, калi «бяспраўным» уладальнiкам аўтамабiляў цi матацыклаў не было чаго губляць. Пакуль што асобы, пазбаўленыя вадзiцельскага пасведчання, пры паўторным кiраваннi транспартным сродкам у нецвярозым стане рызыкуюць толькi сваiм кашальком. Аднак з першага сакавiка, калi ўступiць у сiлу новы Адмiнiстрацыйны кодэкс, за такое правапарушэнне можна трапiць i за краты. Паводле яго слоў начальнiка ўпраўлення прававога забеспячэння штаба МУС краiны Наталлi Бажко, аматары выпiць за рулём на першы раз будуць карацца штрафам у памеры ад 15 да 35 базавых велiчынь i пазбаўляцца вадзiцельскага пасведчання на 3 гады. Калi ж на працягу года выпiвохi не зробяць належных высноў i зноў сядуць за руль у нецвярозым стане, то будуць прыцягвацца да крымiнальнай адказнасцi. Дзеючым заканадаўствам прадугледжана для такiх асобаў пакаранне ў выглядзе арышту на 6 месяцаў альбо папраўчыя работы на тэрмiн да 2 гадоў. На пытанне «Звязды», якая колькасць такiх парушальнiкаў можа неўзабаве трапiць за краты, намеснiк старшынi Вярхоўнага Суда Валерый Калiнковiч адказаў, што прагнозы рабiць пакуль рана. Паводле слоў, летась за паўторнае кiраванне транспартнымi сродкамi ў нецвярозым стане судамi былi прыцягнуты да адмiнiстрацыйнай адказнасцi крыху больш за 9 тысяч чалавек. Нават калi сёлета колькасць злосных п’янiц за рулём не зменшыцца, гэта не азначае, што ўвесь гэты «кантынгент» аўтаматычна апынецца за кратамi, бо апошняе слова пры назначэннi меры пакарання будзе за суддзямi. Намеснiк кiраўнiка вышэйшай судовай iнстанцыi краiны выказаў спадзяванне, што ўзмацненне мераў адказнасцi прымусiць многiх вадзiцеляў зрабiць належныя высновы i адмовiцца ад шкоднай звычкi кiраваць транспартнымi сродкамi ў нецвярозым стане.

На прэс-канферэнцыi прагучала таксама прапанова пазбаўляць выпiвох права ўласнасцi на транспартныя сродкi. Мiж iншым, такая практыка была ў нашай краiне амаль сорак гадоў таму, калi ў злосных парушальнiкаў Правiлаў дарожнага руху канфiскоўвалi дзесяткi аўтамабiляў i матацыклаў за год. Але прадстаўнiк Вярхоўнага Суда катэгарычна выступiў супраць вяртання такой меры пакарання. На думку Валерыя Калiнковiча, увядзення крымiнальнай адказнасцi дастаткова, каб астудзiць хмяльны пыл некаторых вадзiцеляў.