Пераход на «летнi» час можа паўплываць на наш сон

Источник материала:

Раiць спецыялiст

— Безумоўна, змяненне прывычнага рытму сну ўплывае на арганiзм чалавека. Канешне, людзi маладога ўзросту хутчэй прыстасоўваюцца да часавых змен, а больш сталыя могуць адчуваць з гэтым пэўныя цяжкасцi. Але разам з тым перавод часу на адну гадзiну кампенсуецца арганiзмам на працягу тыдня. I ў гэты перыяд адаптацыi ў настроi людзей магчымыя эмацыянальныя хiстаннi, можа з’явiцца раздражняльнасць. Акрамя таго, цалкам верагодна парушэнне рытму сну, ён становiцца перарывiстым, могуць узнiкнуць цяжкасцi з засынаннем.

У такiм разе людзям рэкамендуецца папрымаць лекавыя травы, якiя валодаюць заспакаяльным дзеяннем: валяр’ян, мелiсу, хмель. Можна з iх рабiць чай.

Чай з валяр’яну: 1—2 чайныя лыжкi парэзаных каранёў залiць 1/4 лiтра халоднай вады i настойваць ноч. Ранiцай памяшаць, працадзiць i падагрэць да цёплага стану. Прымаць 150—200 мл у дзень.

Чай з кветак хмелю: 2 чайныя лыжкi кветак залiць 1/4 лiтра кiпеню, настойваць 10 хвiлiн, потым працадзiць. Прымаць 2 разы на дзень па 70—100 мл. Апошнi прыём за 30 хвiлiн да сну.

Чай з мелiсы: 2 чайныя лыжкi здробненага лiсця залiць 1/4 лiтра кiпеню. Шчыльна закрыць i настойваць 10 хвiлiн. Прымаць 2 разы на дзень па 70—100 мл.