Дарагiя суайчыннiкi-беларусы i браты-расiяне!

Источник материала:

У гэтыя гады адносiны памiж Рэспублiкай Беларусь i Расiйскай Федэрацыяй дынамiчна развiвалiся па ўсiх накiрунках. Аб’ём узаемнага гандлю павялiчыўся ў чатыры разы i дасягнуў амаль 20 млрд долараў. Павысiлася эфектыўнасць рэалiзацыi сумесных праграм, накiраваных на вырашэнне сацыяльна-эканамiчных задач, паглыбленне вытворчай кааперацыi. Распрацаваны i ажыццяўляецца механiзм узаемнай абароны i прасоўвання iнтарэсаў нашых краiн на мiжнароднай арэне, захавана i шматразова ўзмоцнена адзiная абаронная прастора, актыўна развiваецца ўзаемадзеянне ў праваахоўнай сферы.

Паслядоўнасць стратэгiчнага партнёрства Беларусi i Расii адпавядае гiстарычнаму выбару двух брацкiх народаў i садзейнiчае дасягненню галоўнай мэты яднання — павышэнню ўзроўню iх жыцця. Адбылiся сур’ёзныя зрухi ў забеспячэннi роўных правоў грамадзян абедзвюх краiн. Пашыраецца гуманiтарны абмен, больш сардэчнымi становяцца паўсядзённыя зносiны беларусаў i расiян.

Усiм нам вiдавочна: аб’ектыўная неабходнасць зблiжэння Беларусi i Расii з гадамi становiцца ўсё больш адчувальнай. Сумесныя крокi ў будучыню патрабуюць ад iх кiраўнiкоў дакладных, скаардынаваных дзеянняў, настойлiвага пошуку аптымальных варыянтаў улiку нацыянальных iнтарэсаў на аснове раўнапраўя i захавання суверэнiтэту дзвюх дзяржаў.

Мы не маем права знiжаць тэмпы фармiравання адзiнай эканамiчнай прасторы, мытнага саюза, свабоднага рынку працы, агульнага iнфармацыйнага, адукацыйнага i культурнага асяроддзя. Толькi вывераныя, узгодненыя ўзаемавыгадныя рашэннi адкрыюць новыя рэальныя магчымасцi для пад’ёму нацыянальных эканомiк, адраджэння палiтычнай магутнасцi, стварэння годнай будучынi нашым нашчадкам.

Дарагiя сябры!

Сардэчна вiншую вас з гэтым светлым святам — Днём яднання народаў Беларусi i Расii.

Моцнага вам здароўя, шчасця, мiру i дабрабыту.

Старшыня Вышэйшага Дзяржаўнага Савета Саюзнай дзяржавы, Прэзiдэнт Рэспублiкi Беларусь Аляксандр ЛУКАШЭНКА.