Перарэгiстрацыю праходзiлi толькi iмянныя прыватызацыйныя чэкi

Источник материала:

Данiiл Мiхайлавiч РУДАК, в. Падсвiлле Глыбоцкага раёна.

З просьбай праверыць выкладзеную чытачом iнфармацыю i пры неабходнасцi прыняць адпаведныя меры рэдакцыя звярнулася ў фiлiял № 208 ААБ «Беларусбанк» г. Глыбокае. Вось што нам у вынiку патлумачылi па пытанню перарэгiстрацыi чэкаў.

«На падставе спiса Падсвiльскага пасялковага выканаўчага камiтэта № 167 ад 21.04.1995 г., Рудаком Д.М. па спецчэкаваму рахунку былi атрыманы iмянныя прыватызацыйныя чэкi «Маёмасць» у колькасцi 170 чэкаў, якiя ў той жа дзень былi падораны Рудак Лiлii Яўстраф’еўне на спецчэкавы рахунак у колькасцi 170 чэкаў.

У адпаведнасцi з Законам Рэспублiкi Беларусь «Аб iмянных прыватызацыйных чэках Рэспублiкi Беларусь», грамадзяне могуць выкарыстоўваць чэкi «Маёмасць» наступным чынам: прадаваць (цалкам або часткова) належныя iм чэкi з абавязковым пераафармленнем; перадаваць у распараджэнне даверанай асобы цi арганiзацыi на дагаворных умовах; абменьваць на каштоўныя паперы спецiнвестфондаў, якiя маюць лiцэнзiю на работу з iмi; набываць у абмен на чэкi «Маёмасць» прыватызуемыя дзяржаўныя аб’екты (акцыi, долi, паi ў маёмасцi такiх аб’ектаў); атрымлiваць у спадчыну i завяшчаць чэкi «Маёмасць» ва ўстаноўленым заканадаўствам Рэспублiкi Беларусь парадку.

У адпаведнасцi з пастановай Савета Мiнiстраў Рэспублiкi Беларусь ад 29 жнiўня 2005 года № 950 «Аб тэрмiнах абарачэння iмянных прыватызацыйных чэкаў «Маёмасць», тэрмiн абарачэння IПЧ «Маёмасць» падоўжаны да 30 чэрвеня 2007 года.

Згодна з Дэкрэтам Прэзiдэнта Рэспублiкi Беларусь «Аб упарадкаваннi абарачэння i выкарыстання iмянных прыватызацыйных чэкаў «Жыллё» ад 07.06.2005 г. № 6 (з улiкам змяненняў i дапаўненняў), да 01.01.2007 года адбывалася перарэгiстрацыя толькi iмянных прыватызацыйных чэкаў «Жыллё».