Уцякач знiк у лесе

Источник материала:

Гэтае здарэнне адбылося каля вёскi Высокае. Паводле даных аддзела iнфармацыi i грамадскiх сувязяў УУС Брэсцкага аблвыканкама, кiнуты аўтамабiль аказаўся без дзяржаўных нумароў. А вось у салоне машыны праваахоўнiкамi было знойдзена 85 рулонаў тканiны, агульны кошт якой ацэньваецца ў 90 мiльёнаў рублёў. Зараз па гэтаму факту праводзiцца праверка, высвятляецца асоба гаспадара грузу.

АТАВАРЫЛIСЯ ЗА ФАЛЬШЫЎКI

Непрыемна здзiўлена была прадавец магазiна «Тавары паўсядзённага попыту», што ў вёсцы Орлева Любанскага раёна, калi пералiчвала грашовую выручку: сярод купюр яна знайшла дзве банкноты па 10 тысяч рублёў, якiя былi несапраўднымi.

Паводле даных аддзела iнфармацыi i грамадскiх сувязяў УУС Мiнаблвыканкама, праваахоўнiкам спатрэбiлася менш за гадзiну, каб затрымаць падазроных ва ўчыненнi гэтага злачынства. Супрацоўнiкi АДАI ў гэтай жа вёсцы праверылi 22-гадовага i 25-гадовых жыхароў Салiгорска: у iх аўтамабiлi «Таёта» было знойдзена i канфiскавана 37 аналагiчных купюр з аднолькавымi серыйнымi нумарамi. Як высветлiлася, купюры былi выраблены спосабам струйна-кроплевага друку, на iх таксама адсутнiчалi вадзяныя знакi.

Iгар ГРЫШЫН.

МОЙ ДОМ — МАЯ КРЭПАСЦЬ?

У Пружанах мiлiцыя завяла крымiнальную справу на пенсiянера, якi нанёс цяжкую траўму няпрошанаму госцю.

Вечарам стары ўбачыў, што ў яго хату праз акно нехта лезе. Схапiўшы палку (першае, што трапiла пад руку), пенсiянер стукнуў рабаўнiка па галаве, якi атрымаў чэрапна-мазгавую траўму i апынуўся ў бальнiцы.

Аказалася, што гаспадар дома перавысiў меру дапушчальнай самаабароны (вельмi моцна стукнуў злодзея) i цяпер можа апынуцца на лаве падсудных. Адным словам, калi да вас праз вакно нехта ноччу лезе, пастарайцеся яго ўгаварыць не рабiць гэтага i не бiце па галаве. А iнакш — турма?!

Сымон СВIСТУНОВIЧ.