«Белтэлекам» пачынае развiваць сетку бесправаднога Iнтэрнэта

Источник материала:

Ён адзначыў, што пасля аналiзу вынiкаў працы згаданых пунктаў доступу будзе прымацца рашэнне аб тым, «куды рухацца далей» у развiццi Wi-Fi ў сталiцы. Пры гэтым ён дадаў, што бесправадны Iнтэрнэт — гэта «iмiджавае пытанне, а не бiзнэс».

Генеральны дырэктар паведамiў таксама, што ў адным з прэс-цэнтраў Мiнска сёння ўжо дзейнiчае бесправадны Iнтэрнэт. Гаворка iдзе пра прэс-цэнтр Нацыянальнай бiблiятэкi. «Падчас самiту, якi праходзiў там не так даўно, ужо была тэхналогiя Wi-Fi».

Ацэньваючы развiццё тэлекамунiкацыйнай сферы ў Беларусi, мiнiстр сувязi i iнфарматызацыi Мiкалай Панцялей адзначыў, што «развiццё галiны iдзе ў патрэбным накiрунку. Летась доля тэлекамунiкацыйных паслуг у валавым унутраным прадукце ўзрасла на 0,5 працэнтнага пункта».

Пры гэтым мiнiстр дадаў, што з апошнiмi дасягненнямi галiны жыхары краiны змогуць пазнаёмiцца на XIV Мiжнароднай спецыялiзаванай выставе па тэлекамунiкацыях, iнфармацыйных i банкаўскiх тэхналогiях «TIBO-2007», якая будзе праходзiць у Мiнску з 24 па 27 красавiка, i на Беларускiм кангрэсе па тэлекамунiкацыях, iнфармацыйных i банкаўскiх тэхналогiях, якi будзе праходзiць адначасова з выставай.

Як паведамiлi арганiзатары выставы, на ёй, у прыватнасцi, ААТ «Гарызонт» прадэманструе новую распрацоўку — ТБ-прыёмнiк для лiчбавага наземнага тэлевiзiйнага вяшчання. ААТ «МВАВТ» прадставiць першы айчынны шматфункцыянальны банкамат, якi выконвае функцыi адразу некалькiх асобных устройстваў (банкамат, плацежны тэрмiнал, пункт абмену валюты).