«Бульбашъ» — гэта гучыць ганарова

Источник материала:

Каб упэўнiцца ў гэтым, дастаткова зазiрнуць у вынiковы пратакол VII Мiжнароднага конкурсу-дэгустацыi «Лiкёра-гарэлачныя вырабы-2007», якi нядаўна праходзiў у Мiнску. Па вынiках гэтага мерапрыемства беларускiя настойкi «Бульбашъ» вытворчасцi Мiнскага завода вiнаградных вiнаў «Дыянiс» заваявалi адразу тры залатыя медалi. У лiку «намiнантаў» — настойкi на аснове лiпы з мёдам, а таксама навiнка класа «Прэмiум» — «Бульбашъ» «Хлебная Люкс».

Паводле сцвярджэння спецыялiстаў завода «Дыянiс», эксперты традыцыйна вылучаюць чатыры прыкметы поспеху алкагольнай прадукцыi: высокую якасць вады, высакаякасныя метады ачысткi спiрту, тэхналагiчныя асаблiвасцi вытворчасцi i арыгiнальная рэцэптура. Дарэчы, для вытворчасцi настоек «Бульбашъ» традыцыйна выкарыстоўваюцца толькi натуральныя iнгрэдыенты, сярод якiх перац, карыца, рамонак, лiпавы цвет, мята, кедравыя арэхi, плады шыпшыны, ягады ядлоўцу i шэраг iншых.

Як зазначыла галоўны тэхнолаг прадпрыемства Таццяна Тананайка, настойка — гэта выключна славянская з’ява. Галоўнае яе адрозненне ад прывычнай гарэлкi — гэта выражаны водар, розная ступень моцнасцi, натуральнасць усiх кампанентаў. Гэта, заключыла Таццяна Мiхайлаўна, дазваляе настойцы выгадна выдзяляцца на фоне iншых вiдаў алкагольнай прадукцыi на мiжнародных выставах i конкурсах i карыстацца павышанай папулярнасцю ў спажыўцоў.