У Беларусi ўстаноўлены новыя памеры мiнiмальных спажывецкiх бюджэтаў

Источник материала:

Яна нагадала, што ў адпаведнасцi з Законам Рэспублiкi Беларусь «Аб фармiраваннi i выкарыстаннi мiнiмальнага спажывецкага бюджэту» гэты сацыяльны нарматыў уяўляе сабой расходы на набыццё набору спажывецкiх тавараў i паслуг для задавальнення асноўных фiзiялагiчных i сацыяльна-культурных патрэбнасцяў чалавека.

Паводле слоў спецыялiста, сярэднедушавы мiнiмальны спажывецкi бюджэт сям’i з чатырох чалавек з 1 мая гэтага года складзе Br275 тыс. 600 у разлiку на месяц (у лютым—красавiку 2007 года ён быў роўны Br265 тыс. 110). Гэты сацыяльны нарматыў служыць асновай для вызначэння права на атрыманне льготных крэдытаў i субсiдый на будаўнiцтва (рэканструкцыю) або набыццё жылых памяшканняў, на рамонт жылля для жыхароў малых населеных пунктаў.

Людмiла Сiнюцiна падкрэслiла, што ў параўнаннi з цяпер дзеючым нарматывам мiнiмальны спажывецкi бюджэт сям’i з чатырох чалавек павялiчыўся на 4 працэнты.

Яна адзначыла, што структура сярэднедушавога мiнiмальнага спажывецкага бюджэту сям’i з чатырох чалавек у цэнах сакавiка 2007 года наступная: прадукты харчавання — 47,5 працэнта, адзенне, абутак, бялiзна — 19,2 працэнта, прадметы культурна-бытавога i гаспадарчага прызначэння — 6,6 працэнта, прадметы санiтарыi, гiгiены, лякарствы — 1,8 працэнта, аплата жылля i камунальныя паслугi — 12,4 працэнта, бытавыя паслугi, транспарт, сувязь — 7,9 працэнта, культурна-асветныя мерапрыемствы i адпачынак — 2,8 працэнта, узносы i плацяжы — 1,9 працэнта.