За жыхарамi аграгарадкоў захаваюцца льготы вяскоўцаў

Источник материала:

Законапраект датычыцца такiх населеных пунктаў, як аграгарадкi. Як вядома, да прыняцця прэзiдэнцкага ўказа тэрмiн «аграгарадок» у заканадаўстве наогул не прымяняўся. У адпаведнасцi з законам, да катэгорыi сельскiх населеных пунктаў аднесены ўсе населеныя пункты, акрамя гарадоў i пасёлкаў гарадскога тыпу. Таму, з мэтай захавання льгот i гарантый, якiя прадугледжаны для жыхароў сельскай мясцовасцi, у законапраекце прапаноўваецца аднесцi аграгарадок таксама да катэгорыi сельскiх населеных пунктаў.

Як адзначыў мiнiстр сельскай гаспадаркi i харчавання Леанiд Русак, для фармiравання аграгарадкоў Дзяржаўная праграма адраджэння i развiцця вёскi на 2005—2010 гады прадугледжвае ўдасканаленне тэрытарыяльнай структуры сельскiх Саветаў. У сувязi з гэтым законапраект вызначае, што пры знаходжаннi аграгарадка ў межах тэрыторыi сельсавета адмiнiстрацыйны цэнтр Савета павiнен знаходзiцца менавiта ў аграгарадку. Калi ж на тэрыторыi сельскага Савета будзе знаходзiцца два i больш аграгарадкi, адмiнiстрацыйны цэнтр Савета будзе размяшчацца ў адным з iх у адпаведнасцi з рашэннем раённага Савета дэпутатаў.

Акрамя таго, законапраект вызначае парадак аднясення аграгарадкоў да катэгорыi сельскiх населеных пунктаў. Так, раённыя Саветы дэпутатаў будуць уносiць у абласныя Саветы прапановы па пераўтварэнню сельскiх населеных пунктаў у аграгарадкi. Абласныя Саветы на падставе гэтых прапаноў уносяць прапановы ўжо ў Савет Мiнiстраў. Апошнi дае згоду на пераўтварэнне.

Дарэчы, да 2010 года ў аграгарадкi прадугледжваецца пераўтварыць 1481 населены пункт.