У Беларусi з 29 красавiка зноў прыметна пахаладае

Источник материала:

У суботу, 28 красавiка, следам за змяшчэннем халоднага атмасфернага фронту, на Беларусь накiруецца больш халаднаватае паветра з поўначы, паведамiла карэспандэнту БЕЛТА галоўны сiноптык Рэспублiканскага гiдраметэацэнтра Вольга Фядотава.

Месцамi, пераважна па ўсходзе краiны, пройдуць кароткачасовыя дажджы. У начныя гадзiны будзе 4—10 градусаў цяпла, днём — плюс 11—17 градусаў. На поўднi краiны паветра прагрэецца да 20 градусаў цяпла. У нядзелю, 29 красавiка, будзе без ападкаў. Аднак прыметна пахаладае. У начныя гадзiны тэмпература паветра будзе ад мiнус 3 да плюс 3 градусаў. Днём — ад 6 да 12 градусаў цяпла. У Гродзенскай вобласцi — да плюс 15 градусаў.

У пачатку наступнага тыдня ў многiх раёнах чакаюцца дажджы, а 1 i 2 мая не выключаны i мокры снег. Тэмпература паветра ў начныя гадзiны складзе мiнус 3 — плюс 3 градусы, а днём 30 красавiка — 6—12 градусаў цяпла. У Брэсцкай вобласцi паветра прагрэецца да плюс 15 градусаў.

Першага мая днём будзе ад 3 да 8 градусаў цяпла i толькi на паўднёвым захадзе краiны тэмпература павысiцца да плюс 13 градусаў. 2 мая таксама захаваецца халоднае надвор’е. Днём магчымы мокры снег. Тэмпературны фон не зменiцца — ноччу тэмпература паветра будзе каля нуля, днём — ад 3 да 8 градусаў цяпла.