АЭС будзе пабудавана ў Чавускiм раёне
Iлона IВАНОВА
Старшыня Магiлёўскага аблвыканкама Барыс Батура на прэс-канферэнцыi паведамiў журналiстам, што прынята прынцыповае рашэнне аб пабудове АЭС у Чавускiм раёне, паблiзу вёскi Красная Паляна. Гэта за 40 кiламетраў ад Магiлёва.
— Ну i што ў гэтым дрэннага? — рытарычна перапытаў кiраўнiк аблвыканкама. — Я лiчу, што гэта вялiкi iмпульс для развiцця эканомiкi рэгiёна. А побач з намi ўжо ёсць Смаленская АЭС. Дык лепей ужо самiм весцi эксплуатацыю — уласнымi надзейнымi рукамi. Будаўнiцтва АЭС — гэта доўгая працэдура. Магу толькi сказаць, што першы блок беларускай атамнай станцыi з’явiцца гадоў праз 8—10. На прэс-канферэнцыi былi закрынуты розныя аспекты жыцця рэгiёна. Магiлёўская вобласць, паабяцаў Барыс Батура, будзе рабiць усё магчымае, каб захаваць сваю пазiцыю на рэспублiканскай Дошцы гонару. Вынiкi работы народнай гаспадаркi за 4 месяцы паказваюць, што гэта цалкам магчыма: напрыклад, за гэты час знiзiлася колькасць стратных прадпрыемстваў. У праграме развiцця малых гарадоў у Магiлёўскай вобласцi плануецца рэалiзаваць больш за дзве сотнi iнвестыцыйных праектаў. Будзе створана прыкладна 20 тысяч новых працоўных месцаў. — Галоўная задача мясцовых уладаў — прыцягваць iнвестыцыi i развiваць прадпрымальнiцтва, — лiчыць Барыс Батура. — I акрамя вытворчасцi, нацiск трэба зрабiць на сферу абслугоўвання, якая ў нас яшчэ недастаткова развiтая. Кiраўнiк Магiлёўскай вобласцi выказаў сваё меркаванне наконт праблемы льгот, якая цяпер актыўна абмяркоўваецца ў краiне. — Iльготамi ў Беларусi карыстаецца 60 працэнтаў насельнiцтва, — зазначыў ён. — Але, вобразна кажучы, гэта ж не «дом адпачынку». Iльгота павiнна быць адраснай i дадзена менавiта таму, хто мае ў ёй патрэбу. Перагляд сiстэмы льгот даўно наспеў, размовы вялiся пра гэта яшчэ гадоў 5—6 таму. Тым больш, што адбылося павелiчэнне даходаў — заробкаў i пенсiй. Вызваленыя сродкi будуць выдаткаваны на дзяцей, i мне падаецца, што з гэтым не варта спрачацца, а трэба кожнаму зразумець. Размова таксама была i пра дэмаграфiчную сiтуацыю. Найбольш уплываюць на працягласць жыцця людзей харчаванне, вада i здаровы лад жыцця. Па ўсiх гэтых напрамках, запэўнiў Барыс Батура, у вобласцi вядзецца работа. Па першых двух — у межах праграм па адраджэнню вёскi (маецца на ўвазе вытворчасць i перапрацоўка сельскагаспадарчай прадукцыi) i «Чыстая вада». — А здаровы лад жыцця — гэта ў нашых сiлах, — сказаў старшыня Магiлёўскага аблвыканкама. — I цяперашняя iнтэнсiўная прапаганда ў СМI дае плён. Што ж датычыцца хваравiтай тэмы — алкагалiзацыi грамадства, то Барыс Батура шчыра выказаў сваё меркаванне: тут можа дапамагчы «сухi» закон — жорсткае абмежаванне альбо забарона ўжывання алкагольных напояў, як гэта калiсьцi было ў Амерыцы i Фiнляндыi. — Гэта страшна, як людзi паводзяць сябе, прыцягваюць да алкаголю моладзь, а часам ад гэтага гiнуць дзецi, — сказаў кiраўнiк вобласцi. — Гэта страшны бiч! Мне, канешне, тлумачаць, што забароннымi мерамi нельга вырашыць праблему алкагалiзацыi. Але грамадству трэба прыкласцi сур’ёзныя намаганнi, каб перамагчы гэтае зло. Тут, канешне, яшчэ i праблемы культуры людзей: выпiць можна i нават часам трэба, але неабходна ведаць меру.
Чтобы разместить новость на сайте или в блоге скопируйте код:
На вашем ресурсе это будет выглядеть так
Старшыня Магiлёўскага аблвыканкама Барыс Батура на прэс-канферэнцыi паведамiў журналiстам, што прынята прынцыповае рашэнне аб пабудове АЭС у Чавускiм
|
|