Прэч ад тэлевiзара!

Источник материала:

Iнфарм-укол

Зрабiце фiзкультуру часткай свайго жыцця — i атрымаеце незлiчоныя выгоды. А яшчэ майце на ўвазе, што дзве гадзiны ў дзень, праведзеныя ў мяккiм крэсле перад тэлевiзарам, павялiчваюць рызыку ўзнiкнення атлусцення на 25 працэнтаў, — да такой высновы прыйшлi вучоныя Гарвардскага ўнiверсiтэта.

ДЛЯ ЎМАЦАВАННЯ КАСЦЕЙ — СПРЫНТ

Iнтэнсiўныя трэнiроўкi ўплываюць на павелiчэнне не толькi мышачнай, але i коснай масы. Амерыканскiя вучоныя вызначылi, як доўга i наколькi iнтэнсiўна трэба займацца спортам для таго, каб косцi сталi мацнейшымi.

Яны выявiлi, што жанчыны, якiя штодня прысвячаюць гадзiну актыўным трэнiроўкам — сумяшчаюць хуткi бег (1,5 км за 7,5 хвiлiны) са скачкамi на скакалцы, заняткамi стэп-аэробiкай i 10-хвiлiнным комплексам практыкаванняў, змаглi дабiцца значнага павелiчэння шчыльнасцi коснай масы. Зразумела, не абавязкова ўсiм i кожнаму выпрабоўваць свае косцi на трываласць, дастаткова дадаць да звычайнага штодзённага комплексу практыкаванняў спрынт або размiнку са скакалкай.

ВАЛАСАМ ПАДАБАЕЦЦА ПЯШЧОТНЫ ДОГЛЯД

Сонечныя промнi могуць нашкодзiць здароўю валасоў. Каб не дапусцiць гэтага, неабходна правiльна iх даглядаць.

Летам валасы варта мыць штодня. Рэкамендуецца выкарыстоўваць тыя сродкi, якiя падыходзяць для канкрэтнага тыпу валасоў. Шампунь выкарыстоўваецца аднаразова. Пасля — абавязкова кандыцыянер з УФ-фiльтрамi. Яны, дарэчы, павiнны ўваходзiць i ў формулу прадуктаў для стайлiнгу. Фiльтры перашкаджаюць шкоднаму ўздзеянню промняў на стрыжань воласа, яны iх паглынаюць або «адбiваюць». Змывайце кожны сродак паслядоўна i старанна. Сушыць валасы лепей натуральным шляхам. Калi ж вы робiце гэта з дапамогай фену, то не перасушвайце валасы гарачым паветрам, ужывайце рэжым сярэднiх тэмператур. Нiколi не карыстайцеся расчоскай як масажным сродкам, расчэсваць валасы варта толькi пяшчотна. Памятайце, што ў летнi перыяд валасы маюць патрэбу ў дадатковым увiльгатненнi.