Главная
Гороскопы
Канчатковы разлiк — праз некалькi дзён
Сяргей РАСОЛЬКА
«Гарачы» тэлефон «Звязды» 287-17-41 З вёскi Буйкi Мядзельскага раёна на «гарачую лiнiю» газеты звярнулася жанчына з нараканнямi ў адрас кiраўнiцтва УП «Цепласеткi».— Мой сужыцель працаваў тут пастухом. Потым звольнiўся па ўласнаму жаданню, паколькi мы збiраемся пераехаць на новае месца жыхарства. I вось ужо тыдзень не можа атрымаць канчатковы разлiк, у бухгалтэрыi прадпрыемства кажуць, што няма наяўных грошай. Мала таго, што нам трэба выязджаць у iншае месца, дык у нас яшчэ пяцёра дзяцей. Як i належыць, сужыцель перад звальненнем адпрацаваў месячны тэрмiн. Дырэктар прадпрыемства Iосiф Дашчынскi, да якога мы звярнулiся па каментарыi, праблему адразу прызнаў. З iншага боку, дадаў ён, з работнiкамi толькi-толькi канчаткова разлiчылiся па зарплаце за некалькi месяцаў, у прыватнасцi, за люты i красавiк. «Заробак у пастуха прыстойны, так што людзi без грошай не сядзяць. Так, гэта сям’я збiраецца пераехаць у iншае месца, ваша заяўнiца прасiла выдзелiць iм для пераезду машыну. Ёй было абяцана, што транспарт яны атрымаюць у любы дзень, калi iм будзе трэба. Хоць у прынцыпе мы гэтага i не павiнны рабiць. Што датычыцца канчатковага разлiку з колiшнiм нашым работнiкам... Думаю, днi праз тры-чатыры мы выплацiм яму цалкам усё, што належыць».
Чтобы разместить новость на сайте или в блоге скопируйте код:
На вашем ресурсе это будет выглядеть так
З вёскi Буйкi Мядзельскага раёна на «гарачую лiнiю» газеты звярнулася жанчына з нараканнямi ў адрас кiраўнiцтва УП «Цепласеткi»
|
|