«Белая Русь» — на Мiншчыне

Источник материала:

Адным з iнiцыятараў стварэння абласной арганiзацыi быў Вiктар Гумiнскi, дэпутат ПП НС, намеснiк старшынi Пастаяннай камiсii па нацыянальнай бяспецы. На прайшоўшай канферэнцыi яго выбралi старшынёй савета абласнога ГА «Белая Русь». Таксама вызначылiся са складам кiруючых органаў новага грамадскага аб’яднання.

— Мы не выключаем магчымасцi таго, што «Белая Русь» выйдзе на рэспублiканскi ўзровень свайго iснавання. Пакуль мы стаiм толькi ў пачатку шляху — трэба арганiзавацца, — тлумачыць Вiктар Гумiнскi. — Але ўжо вызначылi мэты i задачы нашага грамадскага аб’яднання. У прыватнасцi, будзем займацца iнфармаваннем людзей аб унутранай i знешняй палiтыцы дзяржавы, пытаннях эканамiчнага садзейнiчання, культурнага развiцця, аказваць гуманiтарную дапамогу. Увогуле, ставiм сваёй мэтай дапамагаць ажыццяўляць рашэннi, якiя былi вызначаны трэцiм усебеларускiм народным сходам.

Iдэя стварэння аб’яднання «Белая Русь» зыходзiла «з нiзу». Паводле слоў аднаго з удзельнiкаў канферэнцыi, генеральнага дырэктара «Беларускалiя» Андрэя Башуры, iнiцыятыва па стварэнню абласнога аб’яднання належыць людзям працы i навукi:

— Такая арганiзацыя павiнна быць у рэспублiцы. Яе дзейнасць павiнна быць скiравана на вырашэнне сацыяльных пытанняў. Работнiкi нашага прадпрыемства падтрымлiваюць стварэнне Мiнскай абласной арганiзацыi «Белая Русь». Як вялiкае дзяржаўнае прадпрыемства, якое трывала стаiць на нагах, i якое ўжо некалькi гадоў прыносiць у бюджэт больш за мiльярд долараў, мы можам з упэўненасцю сказаць, што дзейнасць грамадскага аб’яднання прынясе вялiкую карысць.