Новыя правiлы пры гандлi з Расiяй

Источник материала:

Парламенцкi дзённiк

Пратакол, у прыватнасцi, рэгулюе пытанне аб падаткаабкладаннi тавараў, якiя ўвозяцца на тэрыторыі асобых (свабодных) эканамiчных зон, што маюцца ў дзвюх дзяржавах. Паводле слоў мiнiстра фiнансаў Мiкалая Корбута, дакумент «уводзiць узаемнае вызваленне ад ПДВ для тавараў, якiя ўвозяцца на тэрыторыi асобых зон рэзiдэнтамi такiх зон».

Дагэтуль жа заканадаўства Расii i Пагадненне аб прынцыпах спагнання ўскосных падаткаў прадугледжвалi, што рэзiдэнты расiйскiх зон «абавязаны сплачваць падатковым органам «увазны» ПДВ пры iмпарце тавараў з Беларусi, у той час як пры ўвозе на тэрыторыi зон тавараў з iншых краiн ПДВ не спаганяецца. Пры раўназначнай цане i якасных характарыстыках кошт беларускага тавару для рэзiдэнта зоны становiцца вышэй на суму «ўвазнога» ПДВ, што ставiць беларускi тавар у горшыя ўмовы ў параўнаннi з таварамi iншых краiн». Аналагiчная сiтуацыя, паводле слоў Мiкалая Корбута, складвалася i ў дачыненнi да расiйскiх тавараў, якiя ўвозiлiся ў беларускiя асобыя зоны.

Парламентарыi таксама ратыфiкавалi Пратакол памiж урадамi Расii i Беларусi аб парадку спагнання ўскосных падаткаў пры выкананнi работ, аказаннi паслуг. Да ратыфiкацыi Пратакола палажэннi Пагаднення ад 15 верасня 2004 года прымянялiся толькi ў дачыненнi да тавараў.

Пратаколам прадугледжана, што спагнанне ўскосных падаткаў пры выкананнi работ, аказаннi паслуг будзе ажыццяўляцца ў дзяржаве, тэрыторыя якога прызнаецца месцам рэалiзацыi работ (паслуг).

З мэтаю пазбягання двайнога падаткаабкладання Пратаколам вызначаны асаблiвасцi падаткаабкладання паслуг па вытворчасцi тавараў з давальнiцкай сыравiны, работ (паслуг) па рамонту, мадэрнiзацыi i пераабсталяванню транспарту, а таксама работ па вырабу прадукцыi, што ажыццяўляюцца па дамовах падраду.