Главная
Гороскопы
Вакансii «пайшлi» ў рэгiёны
Сяргей ГРЫБ.
З пачатку года колькасць беспрацоўных у малых гарадах Беларусi зменшылася на 7,7 працэнта — аб гэтым паведамiла прэс-сакратар Мiнiстэрства працы i сацыяльнай абароны Галiна Трафiменка. — Прычым знiжэнне ўзроўню беспрацоўя адзначана ў 26 з 29 найбольш «праблемных» у плане пошуку вакансiй населеных пунктаў, якiя ўвайшлi ў дзяржаўную, а таксама ў 11 з 13 населеных пунктаў, якiя ўключаны ў абласныя праграмы занятасцi насельнiцтва.
Як адзначыла Галiна Трафiменка, паляпшэнне сiтуацыi на рынку працы перш-наперш тлумачыцца павелiчэннем колькасцi вакансiй. З 21 тысячы працоўных месцаў, якiя было запланавана арганiзаваць у малых гарадах сёлета, толькi за студзень—май створана больш за 10 тысяч. У прыватнасцi, заўважыла Галiна Трафiменка, дадатковыя месцы ўзнiклi ў вынiку пашырэння вытворчасцi па перапрацоўцы драўнiны ў Краснаполлi, адкрыццю вытворчасцяў па пашыву жаночай бялiзны ў Воранаве, прадпрыемства па вырабу акон i дзвярэй у Скiдалi, арганiзацыi зборкi садовых трактароў i вытворчасцi малакорпусных плугоў для энерганасычанай сельгастэхнiкi ў Смаргонi. Мiж тым, паводле звестак мiнiстэрства, нягледзячы на павелiчэнне колькасцi зваротаў (за студзень—чэрвень па дапамогу ў працаўладкаваннi прыйшлi 158,8 тыс. чалавек), у цэлым па краiне адзначана знiжэнне ўзроўню беспрацоўя — зараз ён складае 1 працэнт. Пры гэтым найбольш высокi ўзровень быў у Вiцебскай i Брэсцкай абласцях (па 1,4 працэнта), а найменшы (0,4 працэнта) — у сталiцы. Дарэчы, усяго ў пачатку лiпеня ў Беларусi было зарэгiстравана 46,3 тыс. беспрацоўных i адначасова службы занятасцi мелi звесткi аб наяўнасцi 57 тыс. вакансiй.
Чтобы разместить новость на сайте или в блоге скопируйте код:
На вашем ресурсе это будет выглядеть так
З пачатку года колькасць беспрацоўных у малых гарадах Беларусi зменшылася на 7,7 працэнта — аб гэтым паведамiла прэс-сакратар Мiнiстэрства працы i сац
|
|