АБ’ЕКТ НЕРУХОМАСЦІ — ЗА АДНУ БАЗАВУЮ

Источник материала:

Як паведамiў карэспандэнту БЕЛТА намеснiк дырэктара Фонду дзяржаўнай маёмасцi Дзяржаўнага камiтэта па маёмасцi Уладзiмiр Кавалеўскi, найбольшую долю ў лiку такiх аб’ектаў складаюць былыя ваенныя гарадкi, а таксама ўстановы адукацыi, размешчаныя ў сельскай мясцовасцi.

З агульнай колькасцi аб’ектаў нерухомай маёмасцi, якiя не выкарыстоўваюцца, плануецца прадаць каля 1 тыс. аб’ектаў рэспублiканскай уласнасцi i больш як 2,1 тыс. камунальнай, здаць у арэнду адпаведна больш як 200 i 650 аб’ектаў.

Пастановай урада ад 27 красавiка 2007 года № 541 зацверджаны пералiк маёмасцi, якая не выкарыстоўваецца i знаходзiцца ў рэспублiканскай уласнасцi, што падлягае ўвядзенню ў гаспадарчы абарот з 1 мая 2007 года па 30 красавiка 2008-га. У адпаведнасцi з гэтым пералiкам 69 аб’ектаў будуць выстаўлены на продаж на аўкцыёнах з устанаўленнем пачатковай цаны продажу, роўнай адной базавай велiчынi, а адзiн будзе перададзены ў бязвыплатнае карыстанне недзяржаўнай юрыдычнай асобе пад канкрэтны iнвестыцыйны праект.

Iнфармацыя аб аб’ектах РЭСПУБЛIКАНСКАЙ УЛАСНАСЦI, што плануюцца да продажу i здачы ў арэнду, размешчана ў Iнтэрнэце на сайце Дзяржкаммаёмасцi www.gki.gоv.bу.

АБ АБ’ЕКТАХ КАМУНАЛЬНАЙ УЛАСНАСЦI, што плануюцца да продажу i здачы ў арэнду (па рэгiёнах), можна даведацца на наступных сайтах:

па горадзе Мiнску — www. minsk.gоv.bу;

па Мiнскай вобласцi — www.minsk-rеgiоn.gоv.bу;

па Брэсцкай вобласцi — www.brеst-rеgiоn.bу;

па Гомельскай вобласцi — www.gоmеl-rеgiоn.bу;

па Магiлёўскай вобласцi — www.rеgiоn.mоgilеv.bу;

па Гродзенскай вобласцi — www.grоdnо-rеgiоn.gоv.bу;

па Вiцебскай вобласцi — www.fоndgоsim.vitеbsk.bу, www.vitinvеst.bу.соm.