Хутчэй, вышэй, мацней...
Хутчэй, вышэй, мацней...
Беларускiя спартсмены рыхтуюцца да летняй Алiмпiяды i зарабляюць лiцэнзii. На сёння іх 163 у 19 відах спорту Не псаваць iмiдж спартсменаў Прадстаўнiкi 205 НАК выказалiся супраць выкарыстання Алiмпiяды, iмiджу i iмёнаў атлетаў у палiтычных гульнях. Беларуская дэлегацыя вярнулася з Генеральнай асамблеi нацыянальных алiмпiйскiх камiтэтаў у Кiтаi. Прадстаўнiкi 205 НАК абмеркавалi 30 пытанняў, якiя датычылiся акрэдытацыi, працы валанцёраў, транспартнага забеспячэння i г. д. Госцi таксама агледзелi асноўныя алiмпiйскiя аб’екты (31 з iх знаходзiцца ў сталiцы Гульняў, 7 – па-за Пекiнам). Аднак галоўным пунктам вiзiту прадстаўнiкоў пяцi кантынентаў стала прыняцце рэзалюцыi ў падтрымку Пекiна ў арганiзацыi ХХІХ летнiх Алiмпiйскiх гульняў. — З’яўленне гэтай рэзалюцыi выклiкана iнцыдэнтамi, якiя звязаны з эстафетай Алiмпiйскага агню (прыхiльнiкi незалежнасцi Тыбета спрабавалi патушыць агонь. — Аўт.), — растлумачыў Генадзь Аляксеенка, вiцэ-прэзiдэнт НАК Беларусi. — Усе 205 НАК прынялi рашэнне ўдзельнiчаць у Алiмпiядзе ў Пекiне i прыкласцi ўсе намаганнi для добрай падрыхтоўкi сваiх атлетаў. АНАК таксама выказалася супраць спробы выкарыстаць Алiмпiяду, iмёны i iмiдж спартсменаў-удзельнiкаў для рашэння палiтычных задач. Прэзiдэнт МАК Жак Раге папрасiў кiраўнiкоў алiмпiйскiх дэлегацый абмежаваць спартсменаў ад сiтуацый, калi iх могуць выкарыстаць у палiтычнай гульнi тыя цi iншыя групiроўкi. Генеральны сакратар НАК Георгiй Катулiн паведамiў, што спартсмены могуць выказваць сваё меркаванне, але толькi ў межах Алiмпiйскай хартыi. Калi ж атлет выйдзе на афiцыйнае алiмпiйскае мерапрыемства пад сцягам незарэгiстраванай краiны, то яго чакае дысквалiфiкацыя. У Кiтаi ёсць "Мiнск" Цiкава, што ў Пекiне ўжо з’явiўся кавалачак нашай краiны — рэстаран "Мiнск", дзе можна знайсцi стравы беларускай кухнi. Асноўныя ж прыкметы таго, што беларусы — паўнапраўныя ўдзельнiкi Алiмпiяды-2008, з’явяцца 7 жнiўня, калi ў Алiмпiйскай вёсцы будзе ўзняты беларускi сцяг. Пры амбасадзе нашай краiны ў Кiтаi таксама адкрыецца "Беларускi дом" — цэнтр адпачынку i сустрэч з культурнымi традыцыямi нашай рэспублiкi. Плануецца, што ў Пекiн адправiцца група беларускiх эстрадных артыстаў у падтрымку нашых спартсменаў.
Чтобы разместить новость на сайте или в блоге скопируйте код:
На вашем ресурсе это будет выглядеть так
Беларускiя спартсмены рыхтуюцца да летняй Алiмпiяды i зарабляюць лiцэнзii. На сёння іх 163 у 19 відах спорту
|
|