Абзац

* Колькасць насельнiцтва ў 14 гарадах Беларусi перасягае 100 тыс. чалаве. Лiдарам з’яўляецца, вядома, сталiца. У Мiнску на 1 студзеня гэтага года налiчвалася 1 млн 814,8 тыс. жыхароў. На другiм месцы — Гомель *484,5 тыс.), на трэцiм — Магiлёў *370,6 тыс.). Далей iдуць iншыя абласныя цэнтры: Вiцебск *346,2 тыс.), Гродна *325,8 тыс.) i Брэст *314,8 тыс.). У Бабруйску на 1 студзеня гэтага года пражывалi 218,4 тыс. чалавек, Баранавiчах — 168,3 тыс., Барысаве — 149,8 тыс., Пiнску — 130,4 тыс., Оршы — 122,6 тыс., Мазыры — 111,9 тыс., Салiгорску — 101,1 тыс., Наваполацку — 100,6 тыс. чалавек.

* Тарыфы на звышнарматыўны расход электраэнергii для рэальнага сектара эканомiкi могуць быць павялiчаны ў 2 разы. Аб гэтым паведамiў намеснiк мiнiстра эканомiкi Беларусi Анатоль Фiлонаў на Беларускiм прамысловым форуме.

* У Мiнску пражывае больш за 4,5 тыс. шматдзетных сем’яў. Самымi "шматдзетнымi" раёнамi сталiцы з’яўляюцца Фрунзенскi, Маскоўскi i Ленiнскi.

* Прыемная падзея адбудзецца сёння, у дзень сям’i, у Мiнску. У аддзеле ЗАГС Першамайскага раёна сталiцы згуляюць адначасова 10 "каштоўных" вяселляў: 6 залатых *50 гадоў разам), 2 iзумрудныя *55 гадоў), 2 брыльянтавыя *60 гадоў).

* На полi каля в. Заглядынне Іванаўскага раёна праводзiлася запраўка апырсквальнiка. У кузаве МАЗа знаходзiлася бочка, i калi туды ж падняўся вадзiцель мясцовага СВК, то бочка пакацiлася i смяротна траўмавала чалавека.

* На аўтамагiстралi каля в. Прыазёрная пад Баранавiчамi жыхар гэтай вёскi не справiўся з кiраваннем аўтамашынай i сутыкнуўся з апорай пуцеправода. У аўтааварыi загiнулi вадзiцель, яго сын 24 гадоў, на два гады маладзейшая дачка i дваццацiпяцiгадовы зяць. Жонка вадзiцеля засталася жывой i знаходзiцца ў бальнiцы.

* Каля в. Трушава пiнскiя мiлiцыянеры i пагранiчнiкi затрымалi пяцярых грамадзян Украiны, якiя на пяцi павозках перавозiлi лесам на наш бок iмпартны абутак i трыкатаж. Тавар коштам 30 млн рублёў канфiскавалi. Вiдаць, забяруць i коней.

* Дэпартамент ДАI МУС Украiны мае намер за ваджэнне ў стане алкагольнага ап’янення адбiраць аўтамабiль у парушальнiкаў, якiя двойчы за год затрымлiвалiся па гэтай прычыне. Справу будзе разглядаць суд, якi прыме рашэнне аб адабраннi машыны i продажы яе на аўкцыёне. Пры гэтым аўкцыён будзе дзяржаўным, а цэны на аўтамабiлi — нiжэй за рыначныя. Пiлотны праект быў задзейнiчаны ў Цярнопальскай вобласцi, дзе цалкам апраўдаў сябе.

* Дзёрзкае абрабаванне здзейснена ўчора ў Рызе: з ювелiрнага магазiна быў скрадзены сейф з брыльянтамi. Пры гэтым зламыснiкi пратаранiлi дзверы магазiна на аўтамабiлi. На ўсё рабаўнiкам спатрэбiлася менш як хвiлiна. Кошт скрадзенага ацэньваецца ў некалькi дзесяткаў тысяч латаў *1 лат эквiвалентны крыху больш за $2).

Поўны абзац

* Егiпцянка была вымушаная звярнуцца па дапамогу ў палiцыю, каб транспартаваць свайго захварэлага мужа ў бальнiцу. Мужчына, чыя вага дасягнула 300 кг, ужо некалькi месяцаў не пакiдаў кватэру, бо не праходзiў у дзверы. Палiцэйскiя не змаглi даць рады i звярнулiся ва ўпраўленне сацыяльнай абароны, дзе праблему вырашылi з дапамогай пад’ёмнага крана. Таўстуна трывала прывязалi да ложка, да якога прымацавалi тросы, i праз акно пятага паверха выцягнулi на вулiцу. Паколькi ў "хуткую дапамогу" чалавек не змясцiўся, яго везлi на грузавiку. Следам ехаў пад’ёмны кран, каб забяспечыць наведванне хворым усiх неабходных урачоў.