Кубак УЕФА ў "Зеніта"

Источник материала:

Матчамi з удзелам фiналiстаў Кубка Беларусi 14 мая пачаўся сёмы тур футбольнага чэмпiянату ў вышэйшай лiзе. Абедзве каманды, якiя прымалi сапернiкаў дома, сыгралi ўнiчыю 1:1. Такi лiк зафiксаваны ў матчах мiнскага МТЗ-РIПА з гродзенскiм "Нёманам" (Нiкалас, 88 — Алумона, 51) i салiгорскага "Шахцёра" з "Гомелем" (Кавальчук, 85 — Баранок, 56).

Беларус Дзмiтрый Каспяровiч заваяваў "серабро" ў апорным скачку на чэмпiянаце Еўропы па спартыўнай гiмнастыцы, якi прайшоў у швейцарскай Лазане. Беларус Дзмiтрый Савiцкi заняў пятае месца ў вольных практыкаваннях i 8-е — на канi. Яшчэ адзiн наш суайчыннiк Аляксандр Царэвiч стаў шостым на брусах. У Лазане таксама былi разыграны ўзнагароды ў мужчынскiх камандных спаборнiцтвах. Беларуская дружына ў складзе Дзмiтрыя Савiцкага, Дзянiса Савянкова, Дзмiтрыя Каспяровiча, Аляксандра Царэвiча i Уладзiмiра Ермакова заняла 4-е месца.

18-гадовая беларуская тэнiсiстка Вiкторыя Азаранка ўпершыню ўвайшла ў ТОП-20 сусветнага рэйтынгу ў адзiночным разрадзе i ў ТОП-10 — у парным. З 12 мая ў адзiночным рэйтынгу Жаночай тэнiснай асацыяцыi спартсменка займае 19-ю пазiцыю (на мiнулым тыднi 26-ю), у парным — 10-ю (12). Дагэтуль найвышэйшым дасягненнем Вiкторыi было 24-е месца ў адзiночным разрадзе i 12-е — у парным.

У першым беларускiм адкрытым чэмпiянаце па паветраплаваннi "Bеlаrus Ореn 2008", якi пройдзе пад Мiнскам 3—6 лiпеня ў межах авiяшоў "Мiнск Аэра 2008", ужо выказалi жаданне прыняць удзел спартсмены з чатырох краiн. Акрамя беларусаў аб удзеле ў чэмпiянаце заявiлi экiпажы з Расii, Лiтвы i Украiны. Вядуцца перамовы з экiпажамi Латвii, Польшчы i Аб’яднаных Арабскiх Эмiратаў. Плануецца, што ўдзел у чэмпiянаце возьмуць сама менш 12 экiпажаў. "Bеlаrus Ореn 2008" праводзiцца пры падтрымцы Федэрацыi паветраплавальнiкаў Расii.