Калі разам жыць небяспечна

Источник материала:

Па дзеючым заканадаўстве iнвалiды-"чарнобыльцы" маюць права на дадатковую жылплошчу ў выглядзе асобнага пакоя. Цi павiнна гэта ўлiчвацца пры пастаноўцы на ўлiк для паляпшэння жыллёвых умоў?

В. Агееў.

Само па сабе права на дадатковую плошчу жылога памяшкання не з’яўляецца падставай для прызнання грамадзян маючымi патрэбу ў паляпшэннi жыллёвых умоў i пастаноўкi iх на кватэрны ўлiк.

Разам з тым, падпунктам 3.1.7. Палажэння аб парадку ўлiку грамадзян, якiя маюць патрэбу ў паляпшэннi жыллёвых умоў, прадастаўлення жылых памяшканняў дзяржаўнага жыллёвага фонду (зацверджана Указам Прэзiдэнта Рэспублiкi Беларусь ад 29 лiстапада 2005 года № 565) устаноўлена, што маючымi патрэбу ў паляпшэннi жыллёвых умоў прызнаюцца грамадзяне, якiя пражываюць у аднапакаёвай кватэры або ў адным пакоi з iншымi грамадзянамi i маюць захворваннi, указаныя ў пералiку, што вызначаецца Мiнiстэрствам аховы здароўя, пры наяўнасцi якiх прызнаецца немагчымым сумеснае пражыванне з асобамi, якiя пакутуюць ад iх, у адным пакоi (кватэры), а таксама пражываючыя ў аднапакаёвай кватэры або ў адным пакоi з iншымi грамадзянамi, якiя маюць захворваннi, пералiчаныя ў гэтым пералiку.

Пералiк такiх захворванняў зацверджаны пастановай Мiнiстэрства аховы здароўя ад 19 красавiка 2001 года № 27 (у рэдакцыi пастановы ад 20 красавiка 2006 года № 25). Наяўнасць указаных у Пералiку захворванняў дае падставу грамадзянам, якiя пакутуюць ад такiх захворванняў, быць прынятымi на кватэрны ўлiк незалежна ад узроўню забяспечанасцi агульнай плошчай жылога памяшкання на аднаго члена сям’i (па агульным правiле грамадзяне прымаюцца на кватэрны ўлiк пры забяспечанасцi жыллём менш за 15 кв. метраў на аднаго чалавека).

Медыцынскiя заключэннi аб наяўнасцi захворванняў выдаюцца арганiзацыяй аховы здароўя ў парадку, устаноўленым Указам Прэзiдэнта Рэспублiкi Беларусь ад 16 сакавiка 2006 года № 152 "Аб зацвярджэннi пералiку адмiнiстрацыйных працэдур, якiя выконваюцца дзяржаўнымi органамi i iншымi дзяржаўнымi арганiзацыямi па зваротах грамадзян за выдачай даведак або iншых дакументаў".

Медыцынскую экспертызу на наяўнасць захворванняў, пры якiх прызнаецца немагчымым сумеснае пражыванне з асобамi, якiя пакутуюць ад iх, у адным пакоi (кватэры), праводзiць урачэбна-кансультацыйная камiсiя (УКК) арганiзацыi аховы здароўя.

Вiктар САВІЦКI.