Вядучыя беларускія банкi прафiнансуюць падпiску на газеты для ветэранаў

Источник материала:

Падпiску на дзяржаўныя перыядычныя выданнi на наступны год для ветэранаў Вялiкай Айчыннай вайны прафiнансуюць вядучыя банкi Беларусi, паведамiў на прэс-канферэнцыi старшыня Беларускага грамадскага аб’яднання "Фонд "Перамога — 1945 год" Аляксандр Бiтус.

Паводле яго слоў, ужо ёсць дамоўленасцi з шэрагам банкаў, цяпер рыхтуецца спiс ветэранаў, у якi будуць уключаны некалькi тысяч чалавек.

Аляксандр Бiтус адзначыў, што гэта не першая акцыя, якая праводзiцца пры падтрымцы беларускiх банкаў. Па iнiцыятыве i хадайнiцтву Фонду "Перамога — 1945" Белзнешэканомбанк i Белпрамбудбанк аказалi матэрыяльную дапамогу групе ветэранаў ВАВ у арганiзацыi лячэння i набыццi якасных медыцынскiх прэпаратаў на агульную суму амаль $7 тыс.

Цяпер у Беларусi пражываюць 57 479 ветэранаў Вялiкай Айчыннай вайны. З iх 12 841 — iнвалiды першай i другой групы, якiя маюць патрэбу ў паўсядзённым медыцынскiм доглядзе. У жывых засталiся 22 Героi Савецкага Саюза, з якiх 13 прыкаваны да ложка i маюць патрэбу ў пастаяннай медыцынскай дапамозе i доглядзе.

БЕЛТА.