Долар/еўра: змена роляў?..

Источник материала:

Усплёск цікавасцi да долара ЗША выклiкалi апошнiя падзеi на мiжнародных бiржах, дзе курс амерыканскай валюты пакрысе стаў расцi. Напрыклад, толькi ўчора ў параўнаннi з папярэднiм днём долар умацаваўся ў адносiнах да еўра прыкладна на 0,1 працэнта: ўчора на Fоrех плацiлi за 1 еўра 1,5505 долара. Што, дарэчы, стала падставай для некаторых экспертаў весцi гутарку аб тэндэнцыi па доўгатэрмiновым умацаваннi USD.

У прыватнасцi, карэкцыю ў пары еўра/долар некаторыя аналiтыкi тлумачаць несуцяшальнай для эканомiкi еўразоны макраэканамiчнай статыстыкай: маўляў, у параўнаннi з эканомiкай ЗША апошняя дала слабiну. Не абышлося ў гэтай справе, працягваюць некаторыя, i без спекуляцый: на валютным рынку з’явiлiся iгракi, якiя пачалi гуляць супраць еўра, купляючы танны долар. Іншыя, хто скептычна ставiцца да долара, сумняваюцца, што амерыканская валюта i надалей будзе ўмацоўвацца. Iх скепсiс грунтуецца на тым, што сiтуацыя з эканомiкай ЗША пакуль да канца не зразумелая: яна, на iх погляд, балансуе на мяжы рэцэсii. Зразумела, што ў залежнасцi ад "сiмпатый" i "антыпатый" да USD робяцца i прагнозы па сярэднетэрмiновым курсе долара/еўра. Адны прадказваюць, што па вынiках года курс амерыканскай валюты ў адносiнах да еўрапейскай павысiцца на 5—7 працэнтаў, другiя даюць шанц падняцца еўра да пачатку 2009 года як мiнiмум да 1,6.

— На цяперашняе ўмацаванне курса долара паўплывалi ўнутраныя палiтычныя i эканамiчныя фактары ў ЗША, — лiчыць кiраўнiк цэнтра макраэканамiчных даследаванняў Iнстытута эканомiкi Нацыянальнай акадэмii навук Беларусi Аляксандар Лучанок. — Крэдытны крызiс аказаўся не такiм глыбокiм, як чакалi, што станоўча адбiлася на курсе амерыканскай валюты. Акрамя таго, цяпер iдзе барацьба за прэзiдэнцтва, i цяперашняя адмiнiстрацыя спрабуе паказаць — сiтуацыя не такая ўжо i дрэнная, як здаецца.

— I колькi часу, на ваш погляд, будзе працягвацца гэтая "паказуха"?

— Да выбараў. Прагназаваць курс у такой сiтуацыi цяжка, тым болей, што невядома, хто прыйдзе там да ўлады.

Iгар ШЧУЧЭНКА.