Забойцу-педафіла — да выключнай меры
Забойцу-педафіла — да выключнай меры
У Гомельскiм абласным судзе завяршылiся судовыя разборы па справе 26-гадовага гамяльчанiна, якi абвiнавачваецца ў забойстве 9-гадовага хлопчыка — вучня адной з мясцовых школ. Як паведамлялася раней, пракуратура Гомельскага раёна ў вераснi 2007 года ўзбудзiла крымiнальную справу па артыкуле 139 КК Беларусi — забойства заведама малалетняга, якi знаходзiўся ў бездапаможным становiшчы. Вывучыўшы ўсе матэрыялы справы, суд прызнаў факт учынення ўказанага злачынства, у тым лiку i тое, што спачатку над дзiцем быў учынены здзек. Рашэннем суда забойцы-педафiлу вынесена выключная мера пакарання — расстрэл. Аб гэтым паведамiла старшыня Гомельскага абласнога суда Людмiла Мiхалькова. Гомельскi абласны суд ужо на працягу трох гадоў не выносiў падобнага прысуду. Выключная мера пакарання ў дадзеным выпадку цалкам апраўдана — гэты чалавек з’яўляецца сацыяльна небяспечным для грамадства, лiчыць Людмiла Мiхалькова. (Забойца-педафiл раней ужо прыцягваўся да адказнасцi за распусныя дзеяннi ў дачыненнi да малалетнiх, учынiў новае злачынства ўсяго толькi праз 2 тыднi пасля выхаду на волю). Акрамя таго, такое суровае рашэнне суда можа стаць прафiлактычным папярэджаннем. "Паводле нашай iнфармацыi, у Расii назiраецца ўспышка злачынстваў супраць дзяцей, i нам важна не ўпусцiць гэты вiрус на тэрыторыю Беларусi", — падкрэслiла Людмiла Мiхалькова. Валерый СІДОРЧЫК, БЕЛТА.
Чтобы разместить новость на сайте или в блоге скопируйте код:
На вашем ресурсе это будет выглядеть так
У Гомельскiм абласным судзе завяршылiся судовыя разборы па справе 26-гадовага гамяльчанiна, якi абвiнавачваецца ў забойстве 9-гадовага хлопчыка — вучн
|
|