Блузы і кашулi: жаноцкасць, натуральнасць, разняволенасць

Источник материала:

Шык-шок

Празрыстая сэксуальнасць

Крыху прыкрытая галiзна ўзбуджае i дражнiць моцны пол куды мацней, чым голае цела — так сцвярджаюць псiхолагi, i сёлетнiм летам ёсць магчымасць яшчэ раз у гэтым упэўнiцца. Зразумела, цалкам празрыстыя тканiны могуць дазволiць сабе далёка не ўсе, тут важная не толькi прыгажосць грудзей, але i ўнутраная вольнасць iх уладальнiцы. Аднак тым, хто выхаваны ў больш строгiх норавах, не трэба цалкам абыходзiць тэндэнцыю — спалучайце празрыстыя блузы з топам без шлеек, якi надзеты пад блузай. Яшчэ варыянт — зверху лёгкая свабодная кофта, зашпiленая на адзiн гузiк, прыкрывае ўсё, што трэба схаваць.

Накiроўваемся на сафары

Стыль сафары ў гэтым сезоне надзвычай папулярны. Жанчына ў iм — моцная асоба, паляўнiчая, амазонка. Трэба аддаць сафары належнае — зроблены для афрыканскiх паляванняў, дзякуючы старанням мадэльераў ён стаў надзвычай зручным i выдатна ўпiсаўся практычна ва ўсе ўмовы гарадской моды. Прагулка па горадзе, офiс, шопiнг, загарадны пiкнiк — усюды стыль сафары будзе выглядаць стыльна i актуальна.

Як выглядаць па-спартыўнаму

Спартыўны стыль мае шмат плюсаў: ён падкрэслiвае фiгуру, натуральныя тканiны прыемныя для цела, а насiць спартыўнага крою кашулi i блузы вельмi зручна. Акрамя таго, выглядаць па-спартыўнаму падцягнута i элегантна — адно з патрабаванняў да сучаснай жанчыны, паказчык яе дагледжанасцi i прыгажосцi. Безумоўна, наўрад цi ў падобных блузах i кашулях зручна займацца спортам, але гэтага нiхто i не патрабуе. Асаблiвасцi спартыўнага стылю — яркiя колеры, кантрасныя малюнкi, маланкi, шнуркi, эмблемы i iншая спартыўная атрыбутыка.

Свабодныя формы

Дзяўчатам, якiя аддаюць перавагу свабодным формам, што не аблягаюць фiгуру, у гэтым сезоне раздолле, не трэба выбiраць памiж Т-формамi i трапецыямi, абодва гэтыя напрамкi дызайнеры ахвотна ўстаўляюць у свае калекцыi. Шырокiя блузы з суцэльнымi рукавамi, як варыянт папулярнай аб’ёмнай кашулi, у гэтым сезоне вызначаецца трапiчнымi колерамi, што дазваляе ствараць незвычайна эфектныя яркiя вобразы. Таксама часта выкарыстоўваецца набiўны малюнак. Перакулены варыянт у выглядзе свабоднага топа-трапецыi менш эфектны, але вельмi зручны, i выдатна падыходзiць для штодзённага нашэння.

Падрыхтавала Алена КРАВЕЦ.