30 i 56 — магiчныя лiчбы адпускнога сезона

Источник материала:

Пытальнiк

"Мы з калегай працуем выхавальнiкамi ў вучэбна-педагагiчным комплексе дзiцячы садок-школа. Я маю адпачынак 30 дзён, а калега — 56. Чаму не супадае працягласць нашага водпуску?"

Алена Iванаўна, Магiлёўская вобласць.

Каментарый дае начальнiк аддзела працы i заработнай платы Мiнiстэрства адукацыi Вера Слуянава:

— Педагагiчным работнiкам агульнаадукацыйных устаноў, у тым лiку дырэктарам агульнаадукацыйных устаноў усталявана працягласць асноўнага водпуску 56 каляндарных дзён. Работнiкi ж устаноў, якiя забяспечваюць атрыманне дашкольнай адукацыi (загадчыкi, выхавальнiкi, выхавальнiкi-метадысты, музычныя кiраўнiкi i iнш.), будуць адпачываць 30 каляндарных дзён. Што датычыцца вучэбна-педагагiчных комплексаў дзiцячы садок-школа, то яны таму i называюцца комплексамi, што адукацыя там даецца на двух узроўнях: узровень дашкольнай адукацыi i ўзровень агульнай школьнай адукацыi. Водпуск, у сваю чаргу, прызначаецца ў залежнасцi ад таго, выхавальнiкам якога ўзроўню з’яўляецца работнiк. Калi, як вынiкае з сiтуацыi, Алена Iванаўна працуе выхавальнiкам у дашкольнай групе, то яе водпуск складзе 30 дзён, яе ж калега выконвае абавязкi выхавальнiка ў групе падоўжанага дня школьнай групы, адпаведна, яна мае права на 56 дзён працоўнага водпуску.

Падрыхтавала Надзея ДРЫЛА.