На выхадныя істотна прыпячэ, месцамi да плюс 33

Источник материала:

На выхадныя істотна прыпячэ, месцамi да плюс 33 У суботу з поўдня Еўропы на тэрыторыю Беларусi пачынае паступаць спякотнае паветра Мiжземнамор’я, паведамiў рэдакцыi начальнiк службы гiдраметэапрагнозаў Рэспублiканскага гiдраметцэнтра Дзмiтрый Рабаў.   У выхадныя будзе горача, толькi паўночна-заходнiя раёны краiны застануцца пад уплывам вiльготнага паветра з боку Балтыкi. Таму ў суботу месцамi ў Гродзенскай, Вiцебскай i па паўночным захадзе Мiнскай абласцей чакаюцца кароткачасовыя дажджы. Тэмпература паветра 23—29, па паўднёвым захадзе да 32 градусаў. У нядзелю невялiкiя дажджы i навальнiцы магчымыя месцамi па паўночным захадзе краiны. Тэмпература ўначы 14—20, удзень 27—33 градусы цяпла. У панядзелак кароткачасовыя дажджы чакаюцца ў заходнiм рэгiёне. Тэмпература ўначы 15—21, удзень 23—33 градусы, толькi па паўночным захадзе ўдзень — 24—26 цяпла. З аўторка да нас пачне паступаць крыху халаднейшае паветра з заходняй часткi Еўропы. Тэмпература паветра ўдзень захаваецца на ўзроўнi 23—28 цяпла. Моцных дажджоў не прадбачыцца.

Сяргей КУРКАЧ.