Паступленні ў бюджэт ад продажу дзяржуласнасцi на аўкцыёнах

Источник материала:

Аб гэтым паведамiў старшыня Дзяржаўнага камiтэта па маёмасцi Георгiй Кузняцоў на пасяджэннi Прэзiдыума Савета Мiнiстраў Беларусi пад старшынствам прэм’ер-міністра Сяргея Сідорскага, на якiм разглядалiся пытаннi ўключэння дзяржмаёмасцi, якая не выкарыстоўваецца, у гаспадарчы абарот.

Георгiй Кузняцоў адзначыў, што па вынiках шасцi месяцаў 2008 года ў Беларусi ўключана ў гаспадарчы абарот 2808 аб’ектаў, у тым лiку 662 аб’екты рэспублiканскай уласнасцi (26,3 працэнта ад плана на год) i 2146 — камунальнай (34,7 працэнта).

У студзенi—чэрвенi арганiзавана 198 аўкцыёнаў, на якiх выстаўлена 1330 аб’ектаў. На 93 рэзультатыўных аўкцыёнах прададзена 350 аб’ектаў, у тым лiку 128 — з пачатковай цаной продажу, роўнай адной базавай велiчынi. "Ад продажу гэтых 350 аб’ектаў у бюджэт паступiла Br18 млрд", — сказаў Георгiй Кузняцоў.

Дзяржаўны камiтэт па маёмасцi Беларусi прапануе павялiчыць падатак на нерухомую маёмасць у два разы ў выпадках неэфектыўнага выкарыстання дзяржаўнай маёмасцi.

Падрыхтаваны праект указа "Аб некаторых пытаннях падаткаабкладання маёмасцi, якая не выкарыстоўваецца ў гаспадарчай дзейнасцi". "Праект прадугледжвае павышэнне падатку на нерухомую маёмасць у два разы ў выпадку неэфектыўнага выкарыстання аб’ектаў. Падатак на зямлю, занятую гэтымi аб’ектамi, таксама прапануецца павялiчыць у два разы", — сказаў Георгiй Кузняцоў.

Паводле яго слоў, праект указа пакуль што не падтрыманы Мiн- прамам, Мiнбудархiтэктуры, Мiнсельгасхарчам i некаторымi iншымi ведамствамi. У прыватнасцi, Мiнпрамам i Мiнбудархiтэктуры прадстаўлены фiнансавыя разлiкi па канкрэтных прадпрыемствах, якiя ў выпадку выплаты павышаных па- датковых плацяжоў могуць з прыбытковых ператварыцца ў стратныя.

Георгiй Кузняцоў прызнаў, што ў праекце прапануюцца "непапулярныя i вельмi жорсткiя меры", аднак сiтуацыя ў рэспублiцы са значным аб’ёмам маёмасцi, якая не выкарыстоўваецца, вельмi сур’ёзная, i неабходна актывiзаваць дзеяннi для яе вырашэння.

Рэспублiканскiмi органамi кiравання Беларусi ў студзенi—лiпенi 2008 года падрыхтаваны праекты рашэнняў аб продажы 465 аб’ектаў рэспублiканскай уласнасцi, якiя не выкарыстоўваюцца.

У Беларусi праведзена ацэнка эфектыўнасцi выкарыстання маёмасцi, перададзенай у статутныя фонды ААТ з доляй дзяржавы. Высветлiлася, што не выкарыстоўваецца 930 аб’ектаў нерухомай маёмасцi. У сувязi з гэтым распрацаваны меры па iх уключэннi ў абарот.

У 2008 годзе запланаваны продаж 750 такiх аб’ектаў рэспублiканскай уласнасцi. Паводле слоў Георгiя Кузняцова, пакуль што тэмпы продажу дзяржмаёмасцi, якая не выкарыстоўваецца, адстаюць ад намечаных.

БЕЛТА.