Усім крадзяжам крадзеж?

Источник материала:

Ну і ну!

Ён быў зафіксаваны ў Гомелі 7 жніўня, калі ў міліцыю звярнуўся дырэктар філіяла № 1 адкрытага акцыянернага таварыства "Банк Залаты талер". Ён паведаміў, што з 14 да 14.30 нехта, падабраўшы ключ ад абменнага пункта філіяла банка, што знаходзіцца на вуліцы Каменшчыкава (быў абедзенны перапынак), прабраўся туды і забраў 8725 долараў, 1195 еўра, 70210 расійскіх і 9317 тысяч беларускіх рублёў, а таксама 300 украінскіх грыўняў.

Неверагодна, але факт, сказаў нам работнік прэс-цэнтра УУС Гомельскага аблвыканкама Андрэй Кітаеў, абменны пункт не быў абсталяваны ні ахоўнай сігналізацыяй, ні сістэмай відэаназірання.

Уладзімір ПЕРНІКАЎ.

Пастух страляў ноччу

Ноччу нехта страляў з ружжа. Пра гэта паведамiў у Верхнядзвiнскi РАУС мясцовы жыхар. Высветлiлася, што страляў з незарэгiстраванага паляўнiчага ружжа 16-га калiбру 38-гадовы пастух, якi такiм чынам хулiганiў мiж вёскамi Сянькова i Урагава. У адносiнах да хулiгана ўзбуджана крымiнальная справа. Ружжо, безумоўна, канфiскавалi.

Аляксандр ПУКШАНСКI.

ПОЎНЫ НАБОР ЗЛАЧЫНСТВАЎ

У в. Гошчава Iвацэвiцкага раёна ў сваiм доме быў знойдзены мёртвым пенсiянер.

Судмедэкспертыза выявiла, што ў пенсiянера пераламаны рэбры з двух бакоў i яго задушылi.

Следства ўстанавiла, што расправiўся з загiнулым яго 26-гадовы сын, якi ўжо сядзеў у турме за крадзеж, разбой, гвалтаванне i нанясенне цяжкiх цялесных пашкоджанняў.

Забойцу затрымалi.

Сымон Свiстуновiч.